Original topic:

customers service

(Topic created on: 09-09-2020 02:33 PM)
188 Views
MohammedAlkady
Active Level 1
Options
جالاكسى A
حد يقولي اللي بيحصل في الفيديو دا اسمه ايه عشان بالنسبة لsamsung دا مش تهنيج و كدة الموبايل مفيهوش مشاكل. معايا موبايل samsung a50 جايبو يوم 24/8/2019 الموبايل علي طول بيسخن من غير ما استخدمة و بيهنج و يعمل ريستارت لوحدة المشكلة دي ظهرت من اكتر من 4 شهور وقت ما كان في قلق بسبب كورونا و كنت مكبر دماغي عشان منزلش من البيت و دلوقتي بقالي شهر و اكتر بروح لفرع صيانة سامسونج في اسماعيلية و الحقيقة كانو بيعاملونا اسوء معاملة و مش عارفين المشكلة فين او عارفين و مش عايزين يصلحوه. اكتر من مره اروحلهم يعملو للجهاز factory reset او سوفت وير و يرجعولي الجهاز و اكتر من مرة اصورلهم فيديو للموبايل و هو بيهنج من غير اي سبب و بيقفل و يفتح لوحدة. و في مره من المرات وانا بستلم الجهاز منهم و بقولهم ان دا جهاز والدتي و استخدامها بسيط جدا يادوب علي قد WhatsApp و facebook قالولي لو بيهنج معاك متشغلش عليه غير WhatsApp بس! بعدها بأسبوع ودتلهم الموبايل تاني بفيديو جديد و هو بيهنج تاني و طلعلي واحد من الصيانة يقولي لو انت حاطط كارت ميموري فالكارت هو السبب. و بعتولي رسالة بعدها بساعة عشان ارجعلهم استلم الموبايل تاني و قالولي ان السبب كان في فلاتة الشاشة و قالولي العيب كان في الشاشة نفسها مرضتش اعلق علي الموضوع او اقولهم ان دا مش السبب و قولت هما ادري بشغلهم. يوم 22/8 وديتلوهم الجهاز و معاه فيديو ظاهر فيه التهنيج تاني و رجعولي بعدها بيوم و قالولي ان مهندس الصيانة بيقول ان مفيش مشكلة في الجهاز بس عملو سوفت وير تاني جايز المشكلة كانت فيه. مرضتش استخدم الجهاز و سبتو زي ما هو علي السوفت وير الجديد و كلمت حماية المستهلك و قولتلهم المشكلة ايه و قالولي رجع الجهاز للصيانة و احنا هنكلمهم. يوم 24/8 روحت فرع الصيانة تاني و مرضيوش يستلمو الجهاز و قالولي مفيش مشكلة فيه نسيبو عندنا ليه؟ روحت و قولت اشغل الموبايل لحد ما حماية المستهلك يكلموني ولاقيت المنظر دا لينك الفيديو: https://drive.google.com/file/d/1GP-zSp4ERgvCPps_6UhC4tIu2sZMcWmf/view?usp=drivesdk بعد ما حماية المستهلك كلموني و سامسونج طلبت اسلمهم الجهاز للفحص يوم 31/8 و لاقيتهم بيكلموني دلوقتي و بيقولو روح استلم الجهاز من الفرع عشان اتفحص و مهندس الصيانة بيقول مفيهوش مشاكل. مش قادر افهم الحقيقة هما بيفحصو الجهاز ازاي لما ابقي لسه مستلم منهم الموبايل بعد ما اتعملو سوفت وير و يعتبر لسه جديد مفيش عليه اي برامج او اي حاجة و يهنج كدة و ازاي ابقي مديلهم بدل الفيديو 4 فيديوهات بنفس العطل بتواريخ مختلفة و كلهم بيكونو بعد ما استلم منهم الجهاز بيوم او اتنين و يكلموني يقولولي الجهاز مفيهوش مشاكل. لو بالنسبة لسامسونج الموبايل كدة سليم و مفيهوش عيب منصحش حد يشتري منهم حاجة عشان متضرش تشوف سوء المعاملة دي. دي ارقام اخر , service orders 4236490340 4236792379, 4237108582 مفيش شركة بتنزل موبايلات من السماء مفيهاش عيوب صناعة او مشاكل بس في شركات عندها customer service محترم بيهتمو بالعميل و في شركات زي سامسونج مصر العميل مش فارق معاها.
9 Comments
AymanHassan
Active Level 4
جالاكسى A
كان عندي مشاكل في أجهزه سابقة متشابهه وكان العيب ديما في
١ ميموري غير معتمد ده يسبب تهنيج
٢ الخطوط الجديده من شركات المحمول انا في مره غيرت ثلاث شرائح بسبب عيوب تصنيع فيها قفله

جرب الخطوط والميموري على جهاز اندرويد تاني ولو المشاكل دي ظهرت حتعرف السبب
للعلم جهاز a50 ده جهاز محترم
0 Likes
جالاكسى A
محطتش في الجهاز كارت ميموري غير بعد ما روحتلهم اكتر من مرة و الجهاز بقي يتعملو software كتير فبقيت شايل الداتا علي كارت ميموري اسهل.
و الخطوط بدلتها اكتر من مرة و نفس المشكلة بتحصل.
AymanHassan
Active Level 4
جالاكسى A
جرب التليفون بخطوط غير بتاعتك يعني اديه لحد غيرك يجربه
في شرائح اتصال بها مشاكل وبتوقع السوفت علطول لان بها ارجل مقفوله على بعض
0 Likes
جالاكسى A
نفس الخطوط محطوطة دلوقتي في a71 و مفيهاش اي مشاكل
Kirolos_Habib
Active Level 9
جالاكسى A
جايز يكون في فايرس او حاجه شبه دي
علشان كده معناه أن العيب في السوفت وير مش في الهارد وير
0 Likes
Samah-Ahmed
Expert Level 5
جالاكسى A

 مساء الخير يا فندم

مع حضرتك سماح ه من سامسونج مصر

بنشكرك جدا على طرح سؤالك وبنتمنى لحضرتك يوم سعيد

وبنعتذر لحضرتك عن المشكله اللى بتواجه حضرتك ونتمى حلها فى أسرع وقت ممكن

 بناء على سؤالك

أستأذن حضرتك فى اتباع الخطوات الاتيه :

التأكد من عدم وجود مشكله فى الشاحن أو البطاريه أو الشاشه

التأكد من عدم الغاء صلاحيات الجهاز من خلال الضبط

اغلاق التطبيقات الموجوده فى الخلفيه

التأكد من وجود مساحه كافيه

التأكد من تحديث الجهاز على أخر نسخه

اذا استمرت المشكله بعد عمل الخطوات الأتيه أستأذن حضرتك فى عمل ضبط مصنع من خلال الخطوات الأتيه

- الضبط 

-الاداره العامه 

- اعاده الضبط 

-اعاده تعييين بيانات المصنع 

-اعاده الضبط 

-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك



0 Likes
جالاكسى A
الجهاز موجود عن حضراتكو يا فندم بشكوي رقم
4237108582

الموبايل ببقي لسه مستلمو من الصيانة بعد ما يكون معمول سوفت وير و يادوب بحط عليه الايميل بتاعي و بنزل الابلكيشنز بتاعتي من البلاي ستور و هنج كدة.

سلمت اكتر من فيديو للصيانة مش فيديو واحد و دلوقتي رد حضراتكو عليا ان الفيديوهات دي مفيهاش مشاكل و الموبايل سليم
0 Likes
جالاكسى A
في لينك للعطل موجود في البوست
و دا لينك لفيديو تاني قبل كدة اتسلم للفرع و عملوله سوفت وير
https://drive.google.com/file/d/18mkwksnP3Wn6wBOHmxgKeBZPMpwJoVOg/view?usp=drivesdk


و دا لينك لفيديو بعد الصيانة بتقريبا 6 ايام

https://drive.google.com/file/d/1FoXjYqZbhL7tjviubmfLhHu4rkBKYgY4/view?usp=drivesdk

و لما وديتو للصيانة الموبايل قعد عندهم يوم و اتبعتلي اروح استلمو و مهندس الصيانة قالي الموبايل مفيهوش مشكلة.

ويوم 31/8 رجعت سلمت الموبايل تاني بأخر رقم شكوي دا و سلمت معاه فيديو جديد حصل في نفس اليوم وانا بنقل الملفات بتاعتي قبل ما اسلم الجهاز للفرع.
كل دا و الصيانة بتاعت حضراتكو مصممين ان الفيديوهات دي كدة مفيهاش مشكلة و الموبايل سليم
0 Likes
جالاكسى A
و دا فيديو يوم 31/8 يوم تسليم الجهاز للفرع برقم 4237108582.

https://drive.google.com/file/d/1NLKmbaD0L5yYWCsSe8IJuxL_4QoUt_kT/view?usp=drivesdk

ازاي بقي الجهاز مع الصيانة لحد دلوقتي 13 يوم و مظهرتش المشكلة دي مع الصيانة؟
0 Likes