a71 battery

[zezomohamed29]

سلام عليكم يجماعة انا معايا ال a71 من شهرين اخر تحديث نزل للجهاز من كام يوم اداء البطارية مبقاش زي الاول والسحب بتاع البرامج بقي عالي جدا والجهاز بدأ مع الاستخدام يسخن ومش بلعب اوي وعملت ضبط مصنع للجهاز وقبل المشكلة دي الجهاز كان بيفضل قاعد معايا اليوم كله بلا اي مشكلة بس بعد الابديت حسيت انه اداء البطارية قل حبتين اي حل ضروي 🙏

[Sara-nader]

zezomohamed29

صباح الخير يا فندم مع حضرتك ساره من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك

بناءا على سؤالك من الموضح أن حضرتك بتواجه مشكله فى البطاريه 

أستأذن حضرتك فى اتباع الخطوات دى :

1.قم بتعديل درجة سطوع الشاشه

2-كل ما كانت الشبكه ضعيفه كل ما كان التليفون بيبذل جهد وبيقوى الشبكه فبالتالى بيسحب من البطاريه 

3-قم باغلاق التطبيقات المفتوحه 

4-قم بالتأكد من عدم وجود أى مشكله فى البطاريه الخاصه بالجهاز أو زر التشغيل 

5 -استخدام الشاحن الاصلى بالجهاز

وبالنسبه للسخونه الموجوده فى الجهاز 

أستأذنك فى عمل الخطوات دى علشان نقدر نحل المشكله الموجوده 

1-قم بالتاكد هل السخونه تظهر عند شحن الجهاز فقط ام عند الاستخدام بشكل عام

2-عند استخدام الجهاز لفتره طويله سوف تحس بسخونه منه يمكن تحملها

3-متاح للجهاز ام لا Software قم بالتاكد هل هناك اى تحديث

4-قم بعمل اعاده ضبط مصنع  للجهاز عن طريق الخطوات الاتيه

1- الضبط 

2-الاداره العامه 

3- اعاده الضبط 

4-اعاده تعييين بيانات المصنع 

5 -اعاده الضبط 

6-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

5-فى حالة ارتفاع درجه حراره الجهاز بصوره غير طبيعيه و عدم القدره على لمس الجهاز عند ارتفاع درجه الحراره يجب التوجه لمركز الصيانه

ولمعرفه أقرب مركز صيانه خاص بحضرتك من خلال الرابط التالى : 

https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

[yousefalbhey]

البطاريه في العموم سيئه جداا في هذا الاصدار وانا اعاني من نفس مشكلتك زيادة علي ذلك حيز الرام يصبح اكبر دي مشكله اصلا في سامسونج بطاريتها سيئه

[zezomohamed29]

علي ما اظن اننا لازم نستنا الابديت الجديد لو محلش حاجة يبقي التوكيل اولي بالتصليح