a50

[idea3]

Galaxy a50

موبايلي نزلو تحديث اندرويد 10 من حوالي20 يوم شغال فل كل حاجه بس البطاريه بقي الشحن يخلص بسرعه رهيبه المهم من حوالي ٤ ايام كل ما اجي اشحنو يقول يرجي استخدام الكابل المرفق بالعلبه مع العلم اني مستخدمو هوا والشاحن الأصلي..وغير كدا لما اشيل الشاحن واوصله يشتغل تمام شحن سريع  وفل ويفضل كدا كل دقيقه ويفصل ويكمل شحن وهكذا وحاجه .. كرهتني في الموبايل رجاء وجود حل .. مع العلم ان الشاحن والكابل مفيش فيهم أي عطل 

والموبايل بقي بيشحن ببطئ..مع العلم كل المشاكل دي بعد أبديت اندرويد 10 

[HaTem66]

اعمل اعاده ضبط مصنع للجهاز وكل المشاكل دى هتتحل

[idea3]

انا عامل ضبط مصنع بعد الأبديت علطول ونفس الحوار

[m7mdomira]

يبقى فى مشكله فالكابل

[AhmedElliby]

المشكله دى كانت عندى من قبل ابديت 10 وكان قاطع فايبريشن ولما روحت الضمان قالى فعلا الجهاز فيه عيب تصنيع فايبريشن وسوكت شحن وسينسور الشاشه واسبيكر الصوت 😳 قولتلو كل دا عيب تصنيع غيرلى الجهاز احسن ، قالى لو كنت جيت ف خلال شهرين من الشرا كنت غيرته لكن دلوقتى انا هصلحه ع حساب الشركه وفعلا صلحه بعد 3 ايام استلمت الفون تمام بس مسحو كل حاجه عليه من غير مايقولولى انهم هيعملو فرومات وبعد ما اخدت منهم الفون اكتشفت ان البصمه لا تعمل نهائى مع العلم انى من يوم ما اشتريت الفون عمرى ما اشتكيت منها وكانت سريعه معايا ،، وخايف ارجع الضمان تانى عشان موضوع ان الفون يقعد 3 ايام وكمان يمسحو كل اللى ع الهاتف .

[idea3]

انت خوفتني خايف اوديه التوكيل يبوظو البصمه..انا عموما هجرب شاحن تاني مع كابل تاني وهشوف ولو كدا ممكن اوديه التوكيل وزي ماتيجي🙃

[AhmedElliby]

شركة سامسونج اصبحت اقل من اى شركة صينية احنا خايفين نتعامل معاها عشان الجوده والخامات واحترام العملاء ،،، سامسونج لا تقل عن اى شركة صينيه فى احترام العملاء والجوده والخامات وعيوب التصنيع

[idea3]

فعلا ولله غلطه ومش هتتكرر 🙂

[010]

انا كان بيعمل معيا كدا وديتو التوكيل وختو بعد يوم وشغال تمام

[idea3]

طب طلبو منك ايه او قالو ايه ممكن تقولي لو سمحت