a50

[mohamedgalal]

يا جماعه حد لاحظ بعد التحديث الأخير ان التليفون بقا بياكل الشحن بسرعه والصوت بقا واطى شويه كمان وفى لاج عند الانتقال من برنامج التانى والموبايل كان معايا زى الفل مكنش فى مشاكل بس فى تحديثات غريبه كدا بتعمل حاجات اغرب فى الجهاز الحل ايه فى التحديثات دى 

ياريت حد من الشركه يرد رد مقنع 

[wolf3079]

اعمل فورمات

[mohamedgalal]

اكيد مش مع كل تحديث او مشكله هعمل فورمات وممكن المشكله تفضل وغالبا هتفضل لان دى مشكله فى التحديث زى ما كان قبل كدا فى تحديثات كتير للجهاز ده للاسف واحهزه جالاكسىa

[wolf3079]

مش كل تحديث لو حاجه خفيفه شهريه عادي لو حجمه كبير وتغيير جذرى الافضل فورمات انا حصلي كده مع النوت واشتغل زي الفل

[mohamedgalal]

مهو الأخير ده كان حاجه خفيفه

[wolf3079]

احجز من الابليكيشن معاد وروح خدمه العملاء

[wolf3079]

.

[Hòssam]

تقريبا عندي كمان لاحظت ان الصوت بقا ضعيف شويه في الألعاب والبطاريه كمان a70

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك بعد التحديث

يرجى  اعادة ضبط المصنع للجهاز.
الضبط ← الاداره العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch
http://www.samsung.com/eg/support/smartswitch/

فى حاله استمرار وجود هذه المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك