a30

[العراف]

A30 من ساعة التحديث الاخير بتاع اندرويد 10 والشحن السريع لا يعمل الا اذا اخرجت الشاحن من الفيشة وحطيته بالعكس شقلبته يعني يقوم يشحن سريع ولو خلعت السوكت وركبته يشحن عادي لازم اشبلب الشاخن في الفيشه تاني علشان يشحن سريع مش عارف هل الموضوع ده حصل مع اي حد ارجو الافادة لاني فرمت التليفون وتعبت من الموضوع د

[MuhammadYosri]

طب جربت تغير الشاحن عشان تعرف اكتر

[العراف]

جربت شاحن اصلي بتاع m30s يعني زيه بالضبط برضه نفس القصة

[MuhammadYosri]

يبقي روح الصيانه

[العراف]

الله ينور عليك صيانه وفي مصر ههه ياباشا ده اول كلمه هيقولهلك سيب الجهاز يومين وهنكلمك بعد يومين يتصل عليك ويقولك الجهاز هيتكلف الف جنيه علشان للاسف طلع سوء استخدام والبوردة مملحة نتيجة العرق وحرقة دم ومش هتاخد معاهم حق ولا باطل وعن تجربة في جهاز اخويا a10

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك بعد التحديث

يرجى  اعادة ضبط المصنع للجهاز.
الضبط ← الاداره العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch
http://www.samsung.com/eg/support/smartswitch/

فى حاله استمرار وجود هذه المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك