ممكن اعرف ليش بتحديث اندرويد 10 نزلت ميزة تسجيل الشاشة لجهاز a6+ و ما نزلت لجهاز a30 و علما انو وقت سألت مندوب الشركة هون قال الميزة بدا مواصفات عالية و الغريب انو جهاز a6+ مواصفاتو اقل من جهاز a30 و خاصة من ناحية الاداء و المعالج و قلت لحالي اكيد بكرا بس ينزل اندرويد 11 رح تجي هالميزة معو و هلق نزل التحديث لجهاز a30 و كمان ما نزل معو ميزة تسجيل الشاشة يعني ليش الشركة عم تتصرف هيك ما بعرف و عأيا اساس عم تحذف ميزات لاجهزة و عم تحذف ميزات لاجهزة تانية يعني مو معقول جهاز a6blus نظامو 10 و اخد تسجيل شاشة و جهاز a30 بنظام اندرويد 11 ما نزلتلو الميزة بحجة المواصفات و علما انو a30 احدث و افضل من ناحية المواصفات و بتمنى يكون في جواب دقيق و مقنع لانو مو منشان الميزة بقا بس هيك شغل عيب و خاصة لشركة متل شركة سامسونج
ملاحظة انا سابقا حكيت و نشرت هون اكتر من مرتين و انحظرت و انحذف منشوري بعتقد عيب ع شركة متل السامسونج تعمل هيك و بتمنى ما يتكرر هالشي و اذا ما عندكن جواب قولو هيك بس مافي داعي للحظر و الحذف
معلش شو هيي المواصفات و الخصائص اللي موجودة بال a6plus و مو موجودة بال a30 علما انو ال a30 احدث من ناحية النظام و نفس الرامات و نفس الذاكرة و معالج a30 اقوى و احدث و البطارية افضل و الشاشة نفس المواصفات تقريبا بس قلي شو الفرق يعني انتو شركة كبيرة و عالمية وقت حدا يسألكن جاوبو بشي مقنع يعني والله ما بقا منشان هالميزة بس انو ليش اجهزة قديمة بتنزلولا ميزات و اجهزة احدث بسنة كاملة ما بتنزلا هالميزة بعدين من كلمتك يا استاذ انو كيف في تطبيقات تصوير الشاشة موجودة بمتجر جوجل و بتنزل ع جهازي و ما بدا مواصفات محددة و التطبيق تبعكن بدو مواصفات و خصائص محددة بتمنى يكون في جواب دقيق و ما ينحذف تعليقي متل كل مرة و شكرا الك
