a21s

[MahmoudQabeel]

الفون ب restart لوحده خالص من غير مقدمات من غير سبب مع انى مش مفعل الauto restart اصلا ولا جيت جنبها 

اول ما فتحت سامسونج ميمبرز طلعلى شاشة بيقولى ابلاغ التقرير عملت ارسال بس هل فيه حد بيحصله كدا غيرى ؟!

[Amira-elnagar]

مساء الخير يا فندم مع حضرتك اميرة من سامسونج مصر

بنشكرك جدا علي طرح سؤالك ونتمنى لحضرتك يوم سعيد

يرجى عمل ضبط مصنع للجهاز عن طريق الخطوات الاتيه : 

- الضبط 

-الاداره العامه 

- اعاده الضبط 

-اعاده تعييين بيانات المصنع 

-اعاده الضبط 

-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch 

http://www.samsung.com/eg/support/smartswitch/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك

[Future2Day]

المشكلة ديه مشهورة فى اكتر من موديل
ولو مش مفعلين خاصية إعادة التشغيل اللى موجودة فى الإعدادات - البطارية والعناية بالجهاز - الثلاث نقاط - التشغيل الآلى - إعادة تشغيل الجهاز (لازم تكون مش متفعلة)
يبقى الحلول المقترحة بتكون إعادة ضبط مصنع ولو منفعش يبقى تنزيل سوفت/روم فى التوكيل ولو منفعش يبقى تغيير بورده فى التوكيل

[MahmoudQabeel]

ينهار ابيض !!

[MahmoudQabeel]

لا ربنا يسترها و ميجيبش شر

[UsamaHassanein]

حصل معايا كده أول ما جيبت الفون بس روحت التوكيل وقالى فى برامج هى اللى بتعمل كده زى برنامج المؤذن النسخة القديمة وفعلا شيلته والتليفون ظبط بعد كده جيبت برنامج مؤذن نسخة حديثة