a20

[zoma2003]

السلام عليكم

انا عايز رد من الشركه ضروري

دلوقتي من ساعت تحديث نهج الأمان

بتاع شهر 4

الجهاز التاتش تقل وبقا بيهنج

قولت مش مشكله

لما تحديث الجهاز ينزل

هيحل المشكله لكن 

التحديث كل يوم يتأجل 

كان شهر 5 بقا 6

بعد كده بقا 7

هو انتوا مستخسرين فينا التحديث ولا ايه ياريت حد من الشركه يرد عليا عشان بجد الموبايل بقا يقرف

[elsayedghibaish]

حضرتك التليفون شغال معايا انا شخصيا كويس جدا والتحديث اكيد هايوصل ولو حضرتك مستعجل على التحديث ممكن اى مركز صيانة محترف ينزلك التحديث يدوي .

[zoma2003]

تمام بس اكيد يعني مش صدفه ان من بعد التحديث التاتش بيعلق والجهاز بيهنج ولا ايه
وبعدين هما بيماطلو في التحديث ليه انا مش فاهم!؟

[elsayedghibaish]

المشكلة فى الغالب ممكن تكون فى تليفون حضرتك مش فى التحديث جرب تعمل إعادة ضبط مصنع
التأخير فى التحديث نتيجة الإجراءات إللى بيمر بيها العالم الفترة الأخيرة لكن ان شاء الله التحديث هايكون موجود خلال الفترة القادمة .

[zyadmohamed200501234]

انا عندي كمان عندي كده انا a20

[zoma2003]

تمام بس مش انا لوحدي إللى بشتكي من بعد تحديث الأمان

[elsayedghibaish]

تمام هو حضرتك ممكن ترسل الشركة من خلال خدمة الدعم إللى فى التطبيق وتبلغهم المشكلة.
بس انا معايا نفس الفون أتحدث وشغال عادى مافيش فيه اى مشاكل على الإطلاق.

[zoma2003]

تمام شكرا للمساعده وربنا يباركلك فيه😊

[elsayedghibaish]

الشكر لله بالتوفيق ان شاء الله.

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك بعد التحديث

يرجى  اعادة ضبط المصنع للجهاز.
الضبط ← الاداره العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch
http://www.samsung.com/eg/support/smartswitch/

فى حاله استمرار وجود هذه المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك