Update for galaxy A32

[SarahAdel]

في حد حصل معاه كدا ولا انا لوحدي جهازي Samsung galaxy A32 

الموبايل بتاعي من ساعة اخر تحديث نزل والجهاز بقي في مشكلة في سوكت الشاحن 

معدش بيشحن كويس بقي يوم اه ويوم لأ 

الشاحن سليم الوصلة وراس الشاحن سليمة بس الجهاز مش بيشحن 

المشكلة في ايه كدا لو سمحتم ؟؟؟

[Doaa14]

طب والحل ايي

[تميرك]

بصي حضرتك هتفضلي تضغطي عليا كتير وهترجع زي ما كانت أنا عملت كده وقتها

[Doaa14]

والله حاولت كتير جداا وكمان عملت ضبط مصنع بس مفيش تغيير روحت لمحل عندي قالولي محتاج سوفت ونا مستحيل اعمل سوفت للجهاز روحت لمحل تاني قالي ic بتاع الجهاز المسئول ع الشبكات بايظ ونا مش عارفه اصدق مين حرفيا وكمان محتاجه الفون الفتره الجايه جدا بسبب تالته ثانوي والفون كان كويس اصلا بعد ما عملت تحديث ع طول باظ

[تميرك]

طيب معندكيش حل غير انك تروحي التوكيل وشوفي هيقلولك اي

[Nancya70]

عندي نفس المشكلة بتاعة الشحن بس انا مكنتش فاهمة انها بسبب ال update
معايا جلاكسي a70

[SarahAdel]

غيرتي سوكت الشاحن طيب ولا عملتي ايه
😅😅

[Nancya70]

امبارح واحد في البلد قاللي في وصلة بين السوكت وبين البطارية عايزة تتغير ولازم اسيبله الموبايل ٣ ايام
طبعا مش هاينفع
وواحد تاني نضفلي جيب السوكت ولهف ١٠٠ج
مش حاسة بتغيير اوي بس افضل شوية

[SarahAdel]

نضف السوكت ب١٠٠ ؟؟🙂🙂اومال لو كان غيره كان اخد كام

[Nancya70]

اه
استغلال بقي وطبعا عمل افلام وحوارات عالتليفون
بس دفعتله ٥٠ج بس 😁😁😁

[SarahAdel]

في حل تاني طيب الواحد ممكن يعمله
انا مش عايزه اودي الجهاز لأي حد لاني بصراحه مش ضامنه اي محل صيانه
حتي صيانة سامسونج مش ضمناهم
الجهاز بتاعي فيتنام ولو اتفتح وحد لعب فيه هيبقي عليه السلام ومعدش هيشتغل تاني انا واثقه من كدا
لو حد عنده حل ازاي اخلي الجهاز يشحن تاني ياريت يقول بعد اذنكم