Original topic:

The Worst customer service ever

(Topic created on: 08-25-2020 03:19 AM)
297 Views
MohammedAlkady
Active Level 1
Options
جالاكسى A
معايا موبايل samsung a50 جايبو يوم 24/8/2019 الموبايل علي طول بيسخن من غير ما استخدمة و بيهنج و يعمل ريستارت لوحدة المشكلة دي ظهرت من اكتر من 4 شهور وقت ما كان في قلق بسبب كورونا و كنت مكبر دماغي عشان منزلش من البيت و دلوقتي بقالي شهر و اكتر بروح لفرع صيانة سامسونج في اسماعيلية و الحقيقة كانو بيعاملونا اسوء معاملة و مش عارفين المشكلة فين او عارفين و مش عايزين يصلحوه. اكتر من مره اروحلهم يعملو للجهاز factory reset او سوفت وير و يرجعولي الجهاز و اكتر من مرة اصورلهم فيديو للموبايل و هو بيهنج من غير اي سبب و بيقفل و يفتح لوحدة. و في مره من المرات وانا بستلم الجهاز منهم و بقولهم ان دا جهاز والدتي و استخدامها بسيط جدا يادوب علي قد WhatsApp و facebook قالولي لو بيهنج معاك متشغلش عليه غير WhatsApp بس! بعدها بأسبوع ودتلهم الموبايل تاني بفيديو جديد و هو بيهنج تاني و طلعلي واحد من الصيانة يقولي لو انت حاطط كارت ميموري فالكارت هو السبب. و بعتولي رسالة بعدها بساعة عشان ارجعلهم استلم الموبايل تاني و قالولي ان السبب كان في فلاتة الشاشة و قالولي العيب كان في الشاشة نفسها مرضتش اعلق علي الموضوع او اقولهم ان دا مش السبب و قولت هما ادري بشغلهم. يوم 22/8 وديتلوهم الجهاز و معاه فيديو ظاهر فيه التهنيج تاني و رجعولي بعدها بيوم و قالولي ان مهندس الصيانة بيقول ان مفيش مشكلة في الجهاز بس عملو سوفت وير تاني جايز المشكلة كانت فيه. مرضتش استخدم الجهاز و سبتو زي ما هو علي السوفت وير الجديد و كلمت حماية المستهلك و قولتلهم المشكلة ايه و قالولي رجع الجهاز للصيانة و احنا هنكلمهم النهاردة روحت فرع الصيانة تاني و مرضيوش يستلمو الجهاز و قالولي مفيش مشكلة فيه نسيبو عندنا ليه؟ لسه مروح دلوقتي و قولت اشغل الموبايل لحد ما حماية المستهلك يكلموني ولاقيت المنظر دا لينك الفيديو: https://drive.google.com/file/d/1GP-zSp4ERgvCPps_6UhC4tIu2sZMcWmf/view?usp=drivesdk كدة الموبايل خرج من الضمان و انا متأكد اني لو رجعتلهم بالجهاز و بلغت عن العطل دلوقتي هيعرفو المشكلة في ساعتها و يقولولي غير البوردة علي حسابك عشان انت طلعت من الضمان و دي ارقام اخر service orders 4236490340 4236792379 مفيش شركة بتنزل موبايلات من السماء مفيهاش عيوب صناعة او مشاكل بس في شركات عندها customer service محترم بيهتمو بالعميل و في شركات زي سامسونج مصر العميل مش فارق معاها.
9 Comments
ahmedcapo1010
Active Level 6
جالاكسى A
هي كل سلسلة A. بايظة اساسا... ومعالجات الاكسنوس .. بتسخن .. وبتهنج عشان ضعيفة.... فريح دماغك
جالاكسى A
للاسف اغلب البيت سامسونج و بدل الجهاز الواحد الa series عندنا جهازين
0 Likes
Rts98
Beginner Level 2
جالاكسى A
طب حاول ودي لمحل موبايلات للصيانة وشوف اي المشكلة قبل ما يعمل في اي حاجة وقاله هيكلف كام او ممكن تحاول تنزل العتبة تصلحه هناك
0 Likes
جالاكسى A
مرضتش اودية لأي حد غيرهم وانا في الضمان.
بس هما فتحوه مرتين قبل كدة و بيقولو مفيش مشاكل فيه و يعني بعد ما عملو سوفت وير اكتر من مرة هي ملهاش حل غير في البوردة
0 Likes
Rts98
Beginner Level 2
جالاكسى A
هو لسه في الضمان
0 Likes
Rts98
Beginner Level 2
جالاكسى A
هم المفروض لو في الضمان يغيرها على حسابهم
0 Likes
جالاكسى A
الضمان انتهي امبارح
24/8
وللاسف كنت عندهم كمحاولة اخيرة لأنهم ياخدو الجهاز يفحصوة تاني و قالولي لا مش هيستلموه عشان فحصوه قبل كدة و ملاقوش مشاكل فيه.
وانا دلوقتي اول ما فتحت عليه WiFi
و بدأت انزل برامج عليه هنج معايا زي الفيديو الموضح في البوست
0 Likes
Rts98
Beginner Level 2
جالاكسى A
طب روح لفرع تاني
0 Likes
yuuoussefj
Active Level 6
جالاكسى A
موبيلي مش كده
0 Likes