Samsung galaxy a24

[maryamsaeed]

السلام عليكم انا النهارده بس بدأت تظهرلي اعلان كتير حتى وانا مش فاتحه حاجة ايه السبب ممكن حد يفهمني جزاكم الله كل خير 

[posha]

مساء الخير
انا تليفون والدي عمل نفس الحركة
اعملي إعادة ضبط مصنع و حاولي انك متنزليش تطبيقات كتيرة غير الحاجات المهمة

[tamim2022]

ممكن يكون تطبيق من التطبيقات هو السبب

[tamim2022]

هتروحي جوجل كروم وهدوسي ع ٣ نقط اللي فوق منها ع الاعدادات منها ع اعدادات المواقع الالكترونية هتنزلي تحت لحد ما تلاقي الاعلانات هدوسي عليها هتلاقي خيار حظر الاعلانات هتفعليه.
ده اول حاجة
تاني حاجة هتروحي الضبط ومنه ع الخصوصية ومنها ع الاعلانات ومنها هتفعلي ايقاف تخصيص الاعلانات.

[cgxv]

هتوقف جوجل كروم وهتستخدم تطبيق الانترنت من سامسونج كم متصفحك الرئيسي بعد كده هتروح على الاعدادات ثم سامسونج اكاونت ثم الاطلاع على الاخبار والعروض المميزه وهتوقفها وبعد كده هتخش على التخصيص الاعلانات وهتوقفها برده

[ماهرالشيخ]

راجع التطبيقات اللي نزلتها جديد وغالبا بيكون بسبب تطبيق الshare it

[maryamsaeed]

لا ده مش عندي وانا فعلاً رجعت الموبايل لاقيت ابليكيشن نزلتو بل خطأ وهو الي كان بيجب الإعلانات ومسحتو والحمدلله مفيش حاجه دلوقتي

[複ᴀʜᴍᴇᴅ]

ده غالبًا بيكون بسبب تطبيق نزلتيه مؤخرًا فيه إعلانات مزعجة أو برامج ضارة. عشان تتخلصي من المشكلة دي، جربي الخطوات دي:

شغّلي الموبايل في الوضع الآمن:

اضغطي على زر الباور لحد ما تظهر قائمة إيقاف التشغيل. اضغطي ضغطة مطولة على "إيقاف التشغيل" لحد ما تظهر لكِ خيار "الوضع الآمن"، واختاريه. في الوضع ده، التطبيقات الخارجية بتتعطل، وده هيساعدك تعرفي إذا كانت المشكلة من تطبيق معين.

امسحي التطبيقات المشبوهة:

روحي لـ الإعدادات > التطبيقات. دوري على التطبيقات اللي نزلتيها مؤخرًا قبل ما المشكلة تبدأ، خصوصًا اللي مش معروفة أو مش من مصادر موثوقة. امسحي التطبيقات دي واحدة واحدة.

راجعي أذونات التطبيقات:

في الإعدادات > التطبيقات، افتحي كل تطبيق وشوفي الأذونات اللي واخدها. لو لقيتي تطبيق واخد أذونات مش منطقية، زي الوصول للرسائل أو الكاميرا من غير سبب، امسحيه.

استخدمي تطبيق موثوق لمكافحة البرامج الضارة:

حمّلي تطبيق حماية معروف من متجر جوجل بلاي، واعملي فحص للموبايل عشان تتأكدي إنه خالي من أي برامج ضارة.

تحديث المتصفح أو استخدام مانع إعلانات:

لو الإعلانات بتظهر وإنتِ بتستخدمي المتصفح، تأكدي إن المتصفح محدث لآخر إصدار. ممكن كمان تستخدمي متصفح فيه مانع إعلانات مدمج عشان يقلل من الإعلانات المزعجة مثل متصفح سامسونج.