جرب تحدث الاندرويد لآخر اصدار وشوف ميزة المكالمات عبرالواي فاي ظهرت ولا لاء وعلى العموم مش كل شركات المحمول شغلوا ميزة المكالمات عبر الواي فاي شركة وي المصرية للاتصالات مشغلة الميزة لكل الأجهزة الداعمة للميزة دي بشكل افتراضي يعني مش محتاج تدخل تفعلها من الاعدادات إنما شركة فودافون مصر واورانج مصر وشركة ايه اند مصر لازم تدخل على التطبيق الخاص بالشركة وتشوف هل جهازك داعم ولا لاء شركات المحمول بتفعل بشكل تدريجي علشان ما يحصلش ضغط على شبكات الانترنت الثابت
لتفعيل ميزة المكالمات عبر الواي فاي فيه طريقتين الأولى: هتدخل على الاعداداتsettings >وبعد كدا اضغط على اتصالات connections > هتلاقيها ظاهرة في القايمة تحت اسم wifi calling الطريقة التانية : انك بتدخل على برنامج اتصال phone الخاص بجهاز سامسونج مش تطبيق جوجل فون وبعد كدا اضغط على الثلاث نقاط اللي على اليمين لو اللغة انجليزي وعلى اليسار لو اللغة عربي وبعد كدا هتلاقيها خامس او سادس سطر تحت اسم wifi calling
