Samsung a05s

[king3664]

سؤال: هاتف Samsung a05s لو مفعل علي 90Hz هل هيقصر في عمر البطارية الافتراضي بمعني بيخليها انها تتغير ببطارية جديدة؟ ارجو الرد من خبير تقني

[TheUnκn0ωη]

تقنيا ايوه كل ما تعلي في ال
Hz الشاشة
كل ما استهلاك البطارية يزيد وبالتبعية بيقصر عمر البطارية لانك هتشحنها اكتر ده تقنيا صحيح

لاكن ده تاثير طفيف جدا من نحية التأثير علي عمر البطارية قد لا يذكر إلا مع مرور فترة كبيرة من الاستخدام للجهاز مش فترة قصيرة
فده مش حاجة تخليك تشغل بالك بيها انك تنقل ل 60 ولما تلعب 90 وهكذا مش ضروري حتي الفرق في الاستهلاك مش كبير الي يخليك تفضل علي 60 عشان توفر طاقة إلا لو شايف انك مش محتاج 90

وعمتا 90 بيبقي مريح شوية للعين عن 60 خصوصا ان شاشات الفئة الاقتصادية فيها وميض عالي الي بيسبب ضعف النظر وإجهاد وجفاف في العين مع الفترات الطويلة للاستخدام ف 90 بيريح شوية الاجهاد ده

:حاجة اضافية
لو الكلام كان علي 120 او 144 من 60 هرتز فهيبقي في فرق كبير طبعا من نحية الاستهلاك وعمر البطارية الافتراضي
وكنت هقولك ايوه يفضل لما متكونش بتلعب خليها برده علي 90 او 60 هرتز عشان تحافظ علي الاستهلاك وعمر البطارية
لاكن طلما اخرك 90 فمفيش داعي لده والموضوع يرجعلك لو محتاج الفرق الاستهلاك لاستخدامك اليومي

[king3664]

طيب لو علي ٩٠ يكون عمر البطارية افتراضي اقد ايه و بعديها يتغير البطارية؟
كمان انا اول ما استلمت التليفون فعلت انه يفصل عند 85%
و كمان مفعل خاصية reduce animation

[TheUnκn0ωη]

ملهاش مدة محددة او مقدرة بمعني مثلا بعد 100 يوم هتحتاج تغيرها لا
بل بتعتمد علي جودة البطارية وحجم البطارية وطريقة استهلاكك ليها
ومتشغلش بالك بالموضوع ده اوي

وبالنسبة لوضع حماية البطارية مهم فعلا تشغله ومعاك لحد 90% حاسس ان 95% ملهاش لازمة اوي
والاهم الشاحن والوصلة الي بتستخدمهم يكونوا اصليين وجودتهم كويسة سواء شاحن سامسونج او من براند خارجي مضمون

وعمتا لو الانيماشن مريحك وهو مقفول فبراحتك
لاكن لو قافله عشان يقلل استهلاك البطارية او يعلي الاداء فده تقني صحيح بس فعليا انت مش هتحس بيه والفرق لا يذكر فالافضل ترجعها لو عايز تحس بسلسة الاستخدام
والموضوع يرجعلك

[king3664]

بتعبك معايا انا اسف
طيب انا عملت الخطوات اللي في الفيديو و لقيت ان Samsung a05s unsupported لموضوع نسبة البطارية
في طريقة تانية؟
لو سمحت اديني من خبرتك اعمل ايه اقفل reduce animation و اخليه علي 90Hz و اخلي الموبيل يفصل علي ٨٥% و لا ايه؟

[TheUnκn0ωη]

مفيش اي مشاكل
للاسف مفيش طريقة تانية طلما الجهاز مش بيدعم قراية عمر البطارية

بالنسبة للشحن ده يرجعلك 80% ل 90% كويس الافضل طبعا 80% بس لو عايز فرق 10 دول مفيش مشكلة فده يرجع لاستخدامك اليومي

بالنسبة لتردد الشاشة راييء خليه علي 90 هرتز لانك شاري جهاز تستمتع بيه وتستغل امكانياته خصوصا لو بتلعب ف90 افضل ومتقلقش كل شوية من البطارية او عمرها
امتي تقلل لما يبقي عندك اعلي من 90 هرتز

والانيميشن رايي خليه شغال لانه مش بياثر علي حاجة ولا هيفرق في حاجة بالعكس ممكن يخلي تجربتك مملة فالافضل استمتع بالسلاسة الي بيدهالك ومش ماثر علي البطارية

لو انت عايز تحافظ علي البطارية ركز علي الحاجات الي بتاثر عليها بجد
زي الشحن كتير لو بتشحنها اكتر من مرتين في اليوم باستمرار كويس اكتر من كده مش مضر بس بيقلل عمرها علي المدي الطويل

الشاحن والوصلة الي بتستخدمهم يكونوا اصلين او من براند معروف زي
Anker, ugreen, joyroom, ravepower
واهم حاجة تكون جايبهم من مكان مضمون لان لو الشاحن كان مضروب هياثر علي البطارية في فترة اسبوع او شهر وتبوظ منك

حاول تحافظ علي حرارة الجهاز متحطهوش في الشمس خصوصا في الصيف حاول تحطه ديما جنب مروحة او لو عندك تكيف لما يكون بيشحن

[king3664]

شكرا لحضرتك و المرة الجاية هبعت لحضرتك مباشر direct message علي التطبيق Samsung member
لو مفيش ازعاج علي حضرتك

[TheUnκn0ωη]

مفيش مشاكل وقت ما يكون عندك استفسار ابعتلي او اعمل بوست وشوفه ان شاء الله

[sahab25]

مساء الخير ممكن حضرتك تساعدني ف مشكلتي ع البروفايل بتاعي من فضلك

[TheUnκn0ωη]

https://m.youtube.com/watch?v=0ozCHepaqjY&fbclid=IwVERDUAPlUsdleHRuA2FlbQIxMABzcnRjBmFwcF9pZAwzNTA2O...

وده فيديو يوتيوب بيعرفك ازاي تعرف الهيلث للبطارية
الخطوة دي ممكن تعملها كل سنة مثلا يعنبي متبقاش مهلوس للموضوع