عندي مشكلة في جهازي Samsung A72 و هي ان الجهاز مره واحده يعلق و الشاشه تعلق و التاتش يثبت و يجيلي رساله OneUI not responding و اوقات يجي علي application معين زي Facebook not responding و يعمل force restart و الشاشه تقفل وتفتح كإنه رستر و هو ف الواقع مرسترش
سألت فني صيانه قالي عيب فلاتة تاتش و دا عيب صناعي هل دا فعلا ممكن يكون السبب !
مساء الخير يا فندم مع حضرتك اية من سامسونج مصر بنشكرك جدا علي طرح سؤالك ونتمنى لحضرتك يوم سعيد بخصوص استفسار حضرتك , مقدرين جدا المشكلة اللي بتواجهك
بناء على سؤالك أستأذن حضرتك فى التوجه لاقرب مركز صيانه للتمكن من فحص الجهاز ومساعده حضرتك بيتم توضيح المشكلة و السبب من خلال الكشف الفني المختص للتعرف على أقرب مركز صيانه خاص لحضرتك من خلال الرابط التالى : https://www.samsung.com/eg/support/service-center/ ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
طب عندي استفسار دلوقتي انا تليفوني خارج الضمان انا فعلا روحت مركز صيانة سامسونج وقالولي ان دي عيب صناعة في فلاتة التاتش و كانو عاوزين يخلوني اغير شاشة كاملة بمبلغ و قدره و طبعا دا عيب صناعي و المشكله ان التليفون فتره الضمان بتاعتة خلصت
