Samsung Galaxy A71

[KarimHassan]

الهاتف يسخن لدرجه كبيره جدااااااا يهنج كثير 

وغير اهل لثقه من حيث درجات الحراره وغير ذلك 

التهنيج المستمر وساعات بيتم تغير الساعه تلقائي بوقت غير الواقع انا بجد حزين علي اختياري لهواتف سامسونج 

[Falcon01]

سامسونغ A50
تقريبا بيرستر من نفسه كل فترة أو اجى اشغل اى تطبيق تهنج شوية وبعدين يرستر
واضح انها مشاكل مستمرة في سلسلة A

[KarimHassan]

ايوه فعلا مستمره لانهم مش حاطين في الهواتف معالج تبريد شركه زباله اقسم بالله انا مختش بالي وانا بشتري بقول يمكن الهاتف بسعر زي ده هيكون عملي ب٧٠٠٠ ج

[alialaahistorymesho]

بس يا استاذ انا معايا هاتف a70 بعد التحديث بيسخن بطريقة بشعة بس الأداء بتاع التليفون عادي

[KarimHassan]

السخونه ديه ليها اضرار كتير منها تأثير علي عمر البطاريه وعلي عمر الهاتف ولقدار الله ممكن السخونه توصل للانفجار الهاتف

[alialaahistorymesho]

مش عارف الشركة عاوزة تعمل فينا ايه
بعد تحديث الاندرويد ١٠ والجهاز بقه زفت

[KarimHassan]

فعلا كل سلسه A كلها فيها مشاكل بصمه وغير كده سخونه وغير كده عمر البطاريه بيقل مع السخونيه بشكل كبير اقسم بالله مش بقيت استخدم الهاتف اكتر من ٥ مرات في اليوم متابعه بس من قوة السخونه

[Falcon01]

للأسف معايا المشكلة دى من يوم ما نزل السوق a50
وخايف أجيب m31 أو A71
ليكونوا نفس المشكلة
أنا امشى بتليفون هواوى اقل منه وشغال تمام

[KarimHassan]

ايوه اوعي تشتري اقسم بالله انا قولت اطفي الجهاز شويه يهدي اقسم بالله الموبايل فضل علي كلمه سامسونج اكتر من ٤ دقائق العقبه مفيش في الاجهزه معالج تبريد حاول لم تشتري هاتف شوف هاتف في معالج تبريد

[Nehal-ibrahim]

مساء الخير يا فندم مع حضرتك نيهال من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

بناءا علي سؤالك من الواضح أن حضرتك بتستفسر عن وجود سخونه عاليه فى موبايل حضرتك 

أستأذنك فى عمل الخطوات دى علشان نقدر نحل المشكله الموجوده 

1-قم بالتاكد هل السخونه تظهر عند شحن الجهاز فقط ام عند الاستخدام بشكل عام

2-عند استخدام الجهاز لفتره طويله سوف تحس بسخونه منه يمكن تحملها

3-متاح للجهاز ام لا Software قم بالتاكد هل هناك اى تحديث

4-قم بعمل اعاده ضبط مصنع  للجهاز عن طريق الخطوات الاتيه

1- الضبط 

2-الاداره العامه 

3- اعاده الضبط 

4-اعاده تعييين بيانات المصنع 

5 -اعاده الضبط 

6-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

5-فى حالة ارتفاع درجه حراره الجهاز بصوره غير طبيعيه و عدم القدره على لمس الجهاز عند ارتفاع درجه الحراره يجب التوجه لمركز الصيانه

ولمعرفه أقرب مركز صيانه خاص بحضرتك من خلال الرابط التالى : 

https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن و

موجودين تحت أمرك وفى خدمتك فى أى وقت 

شكرا  لحضرتك ولوقتك