Samsung Galaxy A13

[Geno7001]

الوضع تفاقم عندي:

1-كل ما أفتح النت أو الباقة،الجهاز يعلق و يقولي:System UI has stopped،و يعملها مرتين عل الأغلب

2-قايمة الـ Recovery مش راضية تفتح خالص

3-حاسس الجهاز بقى بطيء جداً،و جايلي شعور إن السبب هو إن فاضل 4 جيجا من 128 جيجا مساحة

أرجوٱ الإفادة.

[TheUnκn0ωη]

بالنسبة لقايمة الريكوفري لازم توصل الجهاز بكمبيوتر

بطء الجهاز لان معالجه ضعيف وده طبيعي ولو معاك النسخة ال4رام فده برده سبب اكبر لان 4رام مش كافية دلوقتي
اقل حاجة تمشي الامور هي 6 والافضل 8

وبالنسبة للمساحة في سبب برده حاول تفضي مساحة وامسح اي حاجة انت مش محتاجها هيتحسن معاك الاداء شوية

[TheUnκn0ωη]

في حلول كتير
نظف مساحة الموبايل من اي حاجة مش محتاجها سواء صور او ملفات او تطبيقات

مسح ملفات الكاش للتطبيقات وهي امن حذفها لانها ملفات مؤقتة هي بترجع تتكون تاني بعد فترة بس ممكن تمسحها كل شهر مثلا لانها لما بتتساب بتكتر اكتر
واشهر التطبيقات الي بتخزن كاش كتير هي
فيس وانستا تيكتوك واي متصفح سواء كروم او غيره وسناب
(اهم شيء منمسحش الداتا نمسح كاش بس ⚠️)
في تطبيقات معينة بتبقي مخزنة بيانات بس مش بتشوفيها بطريقة مباشرة
زي الواتس والتليجرام او اي برنامج شات
ممكن متكنش عارف انهم بيخادوا مساحة كبيرة بعد فترة كبيرة من الاستخدام فالافضل تمسح الشاتات او الرسائل القديمة الي مش محتاجها والصور واي حاجة موجودة في شاتات الواتس او التليجرام وممكن في طريقة اسهل لو حضرتك حابب تحتفظ بي رسائل معينة
روح لل3 شرط في الواتس > التخزين والذاكرة وامسح
نفس الشيء فاي برنامج شات اخر
الطريقة التانية وهي من ملفات الجهاز
افتح My files
Android > media > com.whatsApp
وادخل كل ملف ممكن تتفاج بحاجات حضرتك مسحها لاكن مازالت موجودة غير كده لو حضرتك بتبعت لنكات كتير برده بتتخزن في ملفات مؤقتة وامن حذفها
بس ابعد عن فولدر
Database و backups

الشي التاني هو توقيف اي خدمات وبرامج شغالة في الخلفية مش محتاجها
وممكن تروح
Developer options > Running services
وتشوف لو في برامج شغال ليها خدمات وحضرتك مش بتستخدميها والافضل تحطيهم في النوم العميق

حديث الكل البرامج والجهاز باستمرار او خلي متجر جوجل يحدثهم تلقائي وده مش بيحصل غير لما يكون الجهاز مش بيستخدم لفترة ساعة

نزل برنامج فاين لوك هتلاقي فيه برنامج اسمه
Galaxy booster
ده ممكن تشغله كل فترة شهر او بعد تحديثات السوفتوير بيحسن من استقرار الجهاز واداءه
وبلاش تنزل اي حاجة تانية في فاين لوك لان المعالج مش هيستحمل

راستر الجهاز كل فترة او كل اسبوع وده ممكن تخلي الجهاز يعمله تلقائي من الاعدادات ده برده بيحسن من اداء الجهاز وبيخليه مستقر شوية

وبس ممكن اكون طولت بس غطيت لحضرتك كل حاجة ممكن تعملها عشان تحسن من استقرار الجهاز واداءه
قد تكون حاجات بسيطة بس بتفرق خصوصا لو الجهاز مساحته التخزينية ممتلئة

[Thejoker_الجوكر]

بص
انا معايا نفس المشكله بس نوعه سامسونج اي 23 وحصل لي نفس المشاكل بيعلق الساعات ويقول لي system Ui has stopped علشان انا معايا نسخة ٤ رام دي اول مشكلة عند حضرتك

ثانيا موضوع الريكفري يمكن تتفتح عن طريق الكمبيوتر لان انا مش بيستخدمه كثير دي ثاني مشكله عند حضرتك

ثالثا موضوع المساحه لازم تفضي فيه باي طريقه علشان يبقى سريع بالنسبه لك

ولو في اي استفسار محتاجه احنا معاك 😊
واسف على الإطالة

[Geno7001]

شكراً
بس عندي سؤال،ما كان قايمة الـ Recovery شغالة تمام التمام،بس بعد آخر تحديث للـتلفون القايمة مش راضية تفتح خالص،ممكن السبب في التحديثات الأمنية؟