Samsung A50 very high temperature

[AnasHaytham]

الموبيل الشاشة بتاعتة بتلسع وسخن جدا انا بقالى على الحال ده اكتر من اسبوع عمرة ما كان بيسخن كدة انا زهقت منو اوى انا 

 مش بستخدم على الشاحن خالص عمرى ما عملت كدة Samsung A50

[AnasHaytham]

بيوصل سعات ل 46

[Moaz_mohoud]

كده التلفون عايز صيانة

[AnasHaytham]

صيانة ل اية بضبط

[Moaz_mohoud]

صيانة للهاتف كله

[rasha_]

انا كمان note9 الشاشه بتسخن جدا جدا وتقريبا الموضوع ليه علاقة بالبطارية بتنزل بسرعه خالص
يمكن ليه علاقة بالبطارية؟

[smaaaa]

نفس الوضع ف ناس بتقول بسبب الحر بس حتي بالليل والجو حلو بيفضل سخن انا بقيت اخاف امسكه بسبب كدا والله حاجه ف منتهي القرف وبقالي شهر جايباه

[AnasHaytham]

انا بقالى ٣ سنين

[Samsung Admin]

مساء الخير يا فندم مع حضرتك اميرة من سامسونج مصر
بنشكرك جدا علي طرح سؤالك
في البدايه بعتذرلك جدا علي المشكله اللي واجهتك
بناءا علي سؤالك من الواضح أن حضرتك بتستفسر عن وجود سخونه عاليه فى موبايل حضرتك 
أستأذنك فى عمل الخطوات دى علشان نقدر نحل المشكله الموجوده 
1-قم بالتاكد هل السخونه تظهر عند شحن الجهاز فقط ام عند الاستخدام بشكل عام
2-عند استخدام الجهاز لفتره طويله سوف تحس بسخونه منه يمكن تحملها
3-متاح للجهاز ام لا Software قم بالتاكد هل هناك اى تحديث
4-قم بعمل اعاده ضبط مصنع  للجهاز عن طريق الخطوات الاتيه
1- الضبط 
2-الاداره العامه 
3- اعاده الضبط 
4-اعاده تعييين بيانات المصنع 
5 -اعاده الضبط 
6-مسح الكل 
واستأذن حضرتك 
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج
 Samsung smart switch
http://www.samsung.com/eg/support/smartswitch/
5-فى حالة ارتفاع درجه حراره الجهاز بصوره غير طبيعيه و عدم القدره على لمس الجهاز عند ارتفاع درجه الحراره يجب التوجه لمركز الصيانه
ولمعرفه أقرب مركز صيانه خاص بحضرتك من خلال الرابط التالى : 
https://www.samsung.com/eg/support/service-center/
نتمنى حل المشكله عند حضرتك فى أقرب وقت ممكن و
موجودين تحت أمرك وفى خدمتك فى أى وقت 
شكرا  لحضرتك ولوقتك