Samsung A12

[Abdallah_Mohamed15]

التليفون شحنه بطئ اوي حد عنده حل ؟

مع العلم انه مكنش كده

[RamyELGammal]

اليومين دول الجو حر جدآ والحرارة تخلي الشحن بطئ
نظف سوكيت الشحن بفرشة اسنان قديمة عليها رشة كحول بس يكون الهاتف مغلق
جرب بكابل اخر غير اللي بتستخدمه

[Abdallah_Mohamed15]

بس فيه استهلاك عالي جدا من البطارية مع اني مبعملش حاجة

[RamyELGammal]

برده الحر يفضي البطاريه اسرع وما يخليهاش تشتغل بكفائها

انت تقصد ان ده فجأه حصل ولا من ساعت ما غيرت السوفت ؟

[Abdallah_Mohamed15]

لا حصل انهاردة بس علي مدار الايام اللي فاتت البطارية مش مظبوطة خالص

[RamyELGammal]

لما حاجه تحصل النهارده بس راقبها فتره عشان تقدر تحكم صح عليها
هل استخدمت تطبيق جديد او غيرت اعداد معين علي مدار الايام اللي فاتت حاول تربط بين التغيير اللي حصل مع اي حاجه جدت

[Abdallah_Mohamed15]

بص الموضوع بدأ من ساعة م شحنت الموبايل كان وقت العصر كده وأثناء م هو بيشحن الشحن بطئ جدا جدا والتليفون بيسخن ولما اشيله م الشاحن واستخدمه الاقي البطارية نسبتها تقل وبالنسبة للتطبيقات انا عندي تيك توك وكواي والسوشيال ميديا كلها بس

[RamyELGammal]

اعتقد بنسبة كبيره التهييس ده بتاع الجو اللي احنا فيه امبارح والنهارده
راقب الموضوع لما الجو يتحسن ان شاء الله
وحاول في الاجواء دي تشحن ليلآ او بدرى الصبح وعلي الشحن العادي ومن غير جراب ومش كل الشحنه مره واحده خليها علي نصين عشان يبرد بينهم شويه

[Abdallah_Mohamed15]

فعلا بشحنه بالليل دايما بس دي جت صدفة وبشيل الجراب إنما بالنسبة لموضوع نصين ده انا مش بفهم فيه اوي انا بشحن لحد ١٠٠

[RamyELGammal]

اقصد اشحن مثلآ لحد ٦٠ او ٧٠ وافصله يبرد نصايه كده وبعدين كمل لحد ال ١٠٠
طبعآ ده مش علي طول لما يكون الجو كده اقصد