Green / Yellowish Screen Tint , Galaxy A71

[MoomenAta]

كل شويه تظهر مشكلة في الشاشة كأن فيها الالوان باهته او فيها لون اخضر شوية ، و بتظهر اكتر في اللون الابيض او الاسود ، دورت و لقيت انها مشكله متكرره مع كذا حد و بيقال انها Software problem .

فلو حد عنده تجربة مع المشكله دي و حلها يعرفنا ؟؟

[MahmoudYousry]

لا للاسف دي مش مشكلة سوفتوير دي مشكلة hardware معرفة باسم ال green tint بتحصل في الشاشات الاموليد للاسف المشكلة دي منتشرة بشكل كبير في اجهزة زي ال a71 وال poco f3 وللأسف حتي لو غيرت الشاشة ممكن ترجع تاني نصيحتي بيع الموييل

[MoomenAta]

اشكرك

[Amira-elnagar]

مساء الخير يا فندم مع حضرتك اميرة من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك

 أستأذن حضرتك فى اتباع الخطوات الأتيه :

1. استاذنك ادخال الكود التالي *#0*#

2. واختار اي لون من الالوان الظاهره Red & green & blue

3. فى حاله ظهور الالوان بصوره طبيعيه يبقى الجهاز يعمل بشكل طبيعى

4. فى حاله عدم ظهور الالوان بصوره طبيعيه يرجى عمل اعاده ظبط مصنع للجهاز من خلال الخطوات الاتيه :

- الضبط 

-الاداره العامه 

- اعاده الضبط 

-اعاده تعييين بيانات المصنع 

-اعاده الضبط 

-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

فى حاله وجود نفس المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

و

تقدر تتعرف على أقرب مركز صيانه من خلال  الرابط الاتي:
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك

[MoomenAta]

الالوان ظاهره تمام عشان الالوان الاساسية مفيش مشكله انا المشكله عندي ف درجة ال Gray بتدي اخضر فاتح
انا كنت فاكر الموضوع software

[Omararef]

اعمل استعاده ضبط مصنع ممكن يكون تهيس سوفت وير