Good lock

[jx_sheno]

هل في اي تطبيقات شبه برنامج Good Lock ل جهاز Samsung galaxy A 15 ؟

[AlSheikhFaresKilanid]

Fine Lock على جوجل بلاي ومحظور في مصر في بديل اسمه Nice Lock على جوجل بلاي

[複ᴀʜᴍᴇᴅ]

خلاص على وشك النزول "Good Lock" في منطقتنا. أما كبديل حاليًا عندك "fine lockو nice lock".
Fine lock تقدر تنزله بس مش من جوجل بلاي.

[yousaf-sa3d]

اي مدي احتياجهم للجهاز

[複ᴀʜᴍᴇᴅ]

؟

[yousaf-sa3d]

يعني بيعمل اي التطبيق للجهاز عاوز افهم؟

[複ᴀʜᴍᴇᴅ]

بص هو بيكون عبارة عن أدوات (modules) بداخله بتعمل تعديلات على حاجات في السوفتوير لو عايز توضيح أكتر قولي

[yousaf-sa3d]

ياريت توضيح أكثر معلش هتعبك

[複ᴀʜᴍᴇᴅ]

إيه هو Good Lock؟

ده تطبيق رسمي من سامسونج، معمول علشان يخليك تتحكم في شكل الجهاز وتغير حاجات كتير في النظام نفسه، مش مجرد شكل الآيقونات ولا الخلفية.

فيه أدوات (Modules) كل واحدة ليها وظيفة معينة، زي:

LockStar: تعدل شاشة القفل زي ما تحب، تحط الساعة في أي مكان، تلعب في الأزرار اللي فيها.

QuickStar: تغير شكل شريط الإشعارات وتتحكم في الأيقونات اللي فوق.

Task Changer: يخليك تعدل شكل التطبيقات المفتوحة.

NavStar: تغير شكل أزرار التنقل أو تستخدم إيماءات.

One Hand Operation+: تسهّل الاستخدام بإيد واحدة.

Keys Cafe: تعدل الكيبورد من حيث الشكل والوظائف.

وغيرها كتير.


طيب Fine Lock؟

ده نفس فكرة Good Lock، بس مش تطبيق رسمي.
اتعمل علشان الناس اللي عندهم موبايلات سامسونج مش مدعومة في بلادهم (زي مصر مثلاً) (وهو حاليًا محظور بس تقدر تنزله من مصدر خارجي عادي)، يقدروا ينزلوا أدوات Good Lock بطريقة تشتغل.

Fine Lock نفسه مابيعملش حاجة، هو بس بيجمعلك الأدوات في مكان واحد.
لازم تكون الأدوات نفسها متسطبة على الجهاز من مصدر خارجي (APK)، أو تقدر تنزلها من متجر Galaxy Store لو متاحة عندك.

يعني الاتنين بيعملوا إيه؟

بيخلّوك تخصص وتعدل موبايلك بأعلى درجة ممكنة.

بتغير شكل واجهة الاستخدام وطريقة التنقل والإشعارات والكاميرا وشاشة القفل وكل حاجة تقريبًا.

بيدّوك تحكم ما كانش موجود في النسخة العادية من النظام.


هل في ضرر؟

لا، لأن Good Lock رسمي من سامسونج.

Fine Lock آمن لو نزلت الأدوات من مصدر موثوق

[حمزةعبدالمجيد]

هينزل امتا