Galaxy A12 & Galaxy Tab S6 lite 2022 Edition

[Yahya_Rady]

السلام عليكم ورحمة الله وبركاته 

دلوقتي وصل لي Android 14 على جهاز Galaxy Tab s6 lite 2022 Edition و لوحة الإشعارات الجديدة دي أصبحت متعبة جدا و معقدة جدا جدآ بالنسبة لي 

حد يعرف ارجعها ازاي للشكل القديم بتاعها ؟ 

ثانيا كنت عايز اعرف هو مش الجراب المفروض يجي مع الجهاز و لا دا بس لنسخة 2020 بس ؟ 

و ثالثا معايا Galaxy A12 و الجهاز لسه شغال على Android 12 هو ملهوش نصيب خالص يستلم حتى Android 13 ؟ 

سؤال كمان أحد زملائي يمتلك نفس الهاتف و دلوقتي هو استلم Android 13 و كمان موبايله فيه NFC و أنا لا رغم اني احنا معانا نفس الجهاز A12 و مشغلين التحديث التلقائي 

فليه كدا ؟ 

[SamsungModerator4]

مساء الخير يا فندم مع حضرتك اية من سامسونج مصر
بنشكرك جدا على طرح سؤالك وبنتمنى لحضرتك يوم سعيد
بناءا على سؤالكلجهاز a12 لا يدعم اندرويد 14  اخر تحديث اندرويد 13 تم صدورة في فبراير 2023

فى حاله أن حضرتك مفعل التحديث التلقائى ولم يصل التحديث للجهاز
وفى حاله أن الجهاز من خارج مصر 
أستأذنك فى التوجه لاقرب مكز صيانه للتمكن من فحص الجهاز 
تقدر تتعرف على أقرب مركز صيانه من خلال  الرابط الاتي:
https://www.samsung.com/eg/support/service-center/

بالنسبة لشكل لوحة الاشعارات بيتم تحديث الجهاز بالكامل و غير متاح لارجاع لنسخة سوفت وير سابقة 

 ولو عند حضرتك أى استفسار أخر
موجودين تحت أمر حضرتك وفى خدمتك فى أى وقت
شكرا لحضرتك ولوقتك  

[Yahya_Rady]

ايوا تمام حضرتك الجهاز عندي استلم أندرويد ١٢ بس (Galaxy A12) لكن في بعض زملائي معاهم نفس الموبايل (Galaxy A12) و استلموا لغاية أندرويد ١٣ و قفوا . أنا مش عايز أندرويد ١٤ . ستارة الإشعارات الجديدة رديئة و وحشة جدا و أنا مش عايزها دا بالنسبة ل Galaxy Tab S6 lite 2022 edition. الجهازين كلاهما مشغل عليهم التحديث التلقائي. فليه الGalaxy A12 ما ستلمش أندرويد ١٣ رغم إني مشغل التحديث التلقائي و بدخل بنفسي و اعمل تحديث يدوي عشان اتأكد و بردوا الجهاز واقف على ١٢

[Yahya_Rady]

جهازي من جوا مصر بس صنع في الهند
زملائي بردوا من جوا مصر بس صنع في فيتنام

[Yahya_Rady]

طيب لو في إن شاء الله تحديث جديد ل Galaxy Tab s6 lite 2022 edition
هل ممكن يضاف اوبشن جديد لارجاع ستارة الإشعارات لشكلها القديم ؟

[Yahya_Rady]

عايز استرجع الشكل القديم . اعمل ايه ؟

[Ayman347]

الخطوات
افضل دايس على الشاشه الرئيسه ودوس من تحت على الخلفيه والنمط
ودوس على لوحة الالوان واختار اللون اللي انت عايزه
او اعمل إلغاء تفعيل للخيار اللي انا محددلك عليه في الصور

[Yahya_Rady]

جزاكم الله خيرا
لكن حضرتك مش قصدي اللون
أنا قصدي الDesgin
لوحة الاشعارات بتاعت One UI 6 مختلفة تماما عن لوحة الاشعارات بتاعت One UI 4
فكل مشكلتي بصراحة أني متعود على القديمة و الموبايل بتاعي خلاص وقف تحديثه Galaxy A12 لكن التابلت عندي لسه مكمل لغاية Android 16 (Galaxy Tab s6 lite 2022 edition)
فأنا بصراحة أتمنى المرة الجاية من شركة Samsung و المطورين بتوعها أنه زي ما أنتم حافظتم على Dex و سيبتوا اوبشن اختار الجديد و لا القديم
يكون نفس الاوبشن متاح للوحة الاشعارات
أنا عارف ناس كتيرة معجبة بيها عشان شبه الIPhone لكن أنا تقليدي شوية و مش بحب الIPhone. أنا بقالي فترة كبيرة جدا بستخدم Samsung فأنا متعود على الشكل القديم للوحة الاشعارات . الشكل الجديد مش فعال و مش حلو كمظهر و وظيفة . أنا بتفرج على فيديوهات شرح فبحتاج اغير ضبط Dolby Atmos فكنت بنزل لوحة الاشعارات و ادوس على الكلمة و ليس الايقونة و يجيب لي عايزها ازي. دلوقتي في One UI 6 بيطلعني برا الفيديو و يدخلني في متاهات عشان اظبط صوت الفيديو. فأتمنى جدا جدا و رجاء من سامسونج ترجع لوحة الاشعارات القديمة. و شكرا على جهودكم في التطوير

[Youssefnasser1]

بالنسبة ل سامسونج
A12
في منو نسختين نسخ
A12
A12 nacho
النسخه التانية وصلها اندرويد١٣
لكن الاولي اخرها١٢

[Yahya_Rady]

جزاكم الله خيرا
حضرتك طلع كمان في نسخة تالتة خالص 😁
Galaxy A12 Indian version
دي اللي معايا و مختلفة عن A12 العادي و A12 Nacho
الحمد لله على كل حال