Android update - A72 Mobile

[Mohamed-Elsayed]

كالعادة - سامسونج بتستفز العملاء وتبعت اصدار الاندرويد الجديد للأجهزة قبل ميعادها بشهر في حين ان اصدارات الشهر نفسه موصلهاش التحديث

قابلني نفس الاستفزاز مع موبايل A7(2018)

وصل تحديث اندرويد ١٠ بعد ما وصل لموبايل A50

في حين ان الشركة كانت مجدولة موبايل A50 في شهر مايو وموبايل A7(2018) في شهر ابريل

ومع ذلك تم تحديث A50 قبل A7(2018)

يا ريت الشركة تحترم المستخدمين شوية وعلى الاقل تلتزم بالجدول اللي هما حاطينه بنفسهم ومحدش غصبهم عليه

الناس مش بتطفش من عندكم من شوية

وعود كاذبة وخدمه ما بعد البيع زي الزفت ومراكز صيانه منيلة وقطع غيار رديئة - المحلات الشعبيه تخاف تحطها خوفاً على سمعتها - مش شركة بحجم سامسونج !

سامسونج في النازل للأسف بقالها فترة👎

[Mo7ammed3mer]

روق بس يمكن الشركة عليها أقساط تحديثات قديمة بتسددها عشان تتفق على التحديثات الجدبدة 😂

[Mohamed-Elsayed]

بالعكس انا مروق جدا والله ومش واخد الموضوع بأي عصبيه 😅
بس الموضوع فعلا فيه استفزاز للناس خصوصا لما الموقف يتكرر من شركة بحجم سامسونج

[waleedwaleed]

كلامك مظبوط سامسونج اصبحت من الشركات سيئة السمعه فى مصر و اسواء معامله للعملاء

[Besto]

معاك حق وللاسف مش بيحصل غير في مصر بس الشركة في الدول التانية بتحترم المستخدم وبتنزل التحديث في معاده لكل الاجهزة لكن الشركة هنا تحس انهم مش تبع سامسونج ال برا شركة على باب الله

[Hesham-Medhat]

S20 FE نفس الوضع بالنسبه لتليفونى
الجدول نزل ان التحديث شهر يناير وغيروا الجدول لشهر فبراير
المهم التحديث نزل لتليفون A52s اللى جدوله شهر مارس
ولسه منزلش لتليفونى
وكمان التحديث نزل لتليفونى فالعالم كله خلال يناير بس مصر لسه!