Android 10 & OneUI 2

[AhmedKamel1]

طب بوست للنقاش 

.

حد ملاحظ ان من بعد التحديث 

السخونية زادت والبطارية بقت بتنفذ اسرع

ولا أنا بيتهيألى 

ولاايه 

ماننكرش الاضافات الجميلة اللى اتضافت 

بس فى مشاكل ظهرت

ايه اكتر المشاكل اللى ظهرت معاكم؟!

[AhmedKamel1]

ايه المشاكل تحديدا
الابديت فيه ميزات كتير وتعديلات لحاجات كتير
فى طريقة بس مش قانونى او مش رسمى
بس قصة طويلة

[NourEldinWB]

فعلا البطارية بقت تخلص اسرع من الاول وبقي بيسخن عن الاول

[NourEldinWB]

ده بالنسبة لa70

[AhmedKamel1]

وكذلك ل A50

[abdomahmuod]

انا كدا برضو بس بعد التحديث المعالج الرسومي بقا ضعيف جدا مثلا ببجي بقت بتشتغل علي20 فريم

[AhmedKamel1]

المعالج ادائه بيتأثر بالسخونية فلو بيسخن ادائه بيقل

[mosaid11]

ياجماعه الالعاب عندي بتهنج مع الابديت الجديد مفيش حل عملت ضبط المصنع ما فيش فايده اعمل ايه ممكن حد يقول لي

[TOWLS]

مافي حل ابدا غير ان الشركة تعمل تحديث و تحل فيه جميع المشاكل و عدم التوافق
او ترجع للنظام القديم وللاسف الموضوع محتاج شوية خبرة

[AhmedKamel1]

خش على ال game launcher
وخليها
focus on performance
ودايما قبل ماتلعب الالعاب التقيلة زى ببجى وكدا الفون يبقى بارد
وماتاخدوش من الشاحن على اللعب علطول لانه بيبقى سخن وفولت البطارية عالى
واقفل التطبيقات المفتوحة وفضى الرام عشان اللعبة تاخد مساحتها
وماتلعبش والبطارية اقل من ٢٠
وريح الفون بعد اللعب المتواصل قول ساعة مثلا
واخيرا لو بيسخن وبيهنج فقلل جرافيكس اللعبة واعتمد على
fps
دا اللى بيخلى اللعبة اسلس لكن بيخلى الجهاز يسخن بردو فماتعليهوش اوى
طبيعى الاعدادات اللى كنت بتلعب بيها من شهرين غير دلوقتى لان اداء الاجهزة بيقل مع الوقت خاصة اننا بنستخدمه كتير فى فترة الحظر دى

[Amira-elnagar]

مساء الخير يا فندم

مع حضرتك نيهال من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

بناءا علي سؤالك من الواضح أن حضرتك بتستفسر عن وجود سخونه عاليه فى موبايل حضرتك 

أستأذنك فى عمل الخطوات دى علشان نقدر نحل المشكله الموجوده 

1-قم بالتاكد هل السخونه تظهر عند شحن الجهاز فقط ام عند الاستخدام بشكل عام

2-عند استخدام الجهاز لفتره طويله سوف تحس بسخونه منه يمكن تحملها

3-متاح للجهاز ام لا Software قم بالتاكد هل هناك اى تحديث

4-قم بعمل اعاده ضبط مصنع  للجهاز عن طريق الخطوات الاتيه

1- الضبط 

2-الاداره العامه 

3- اعاده الضبط 

4-اعاده تعييين بيانات المصنع 

5 -اعاده الضبط 

6-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

5-فى حالة ارتفاع درجه حراره الجهاز بصوره غير طبيعيه و عدم القدره على لمس الجهاز عند ارتفاع درجه الحراره يجب التوجه لمركز الصيانه

ولمعرفه أقرب مركز صيانه خاص بحضرتك من خلال الرابط التالى : 

https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن و

موجودين تحت أمرك وفى خدمتك فى أى وقت 

شكرا  لحضرتك ولوقتك