يا جماعة الخير . . . . اخوكم بيستخدم لاول مرة تليفون ببصمة مدمجة في الشاشة ( سامسونج A52 ) ، بقالي شهرين بستخدمه ومن اول يوم استخدام لاحظت حاجات غريبة ملاحظتهاش في اي تليفون استخدمته قبل كدة ، احياناً لما اجي اطلع التليفون من الجيب الاقي التليفون داخل علي Pin كلمة السر لا وكمان الاقي بيضغط علي الارقام ، دي حاجة ، الحاجة التانية احياناً اجي اطلع التليفون من الجيب الاقي البصمة معمول لها حظر 30 ثانية ، والاقي اشعار من الهاتف بان مستشعر البصمة تم حظره بسبب اللمسات العرضية الكثيرة اثناء وجود الهاتف بالجيب ، فهل الكلام ده طبيعي في الهواتف اللي فيها بصمة في الشاشة ؟
مع العلم اني قمت بشوية محاولات كتير علشان اشوف حل للموضوع ده ، قلت اشوف الاعدادات واقوم بتفعيل وضع الحماية من اللمس العرضي ( وضع الجيب ) ، وبالرغم من ذلك لقيته مفعل اساساً ، كذلك قمت بالغاء ايقاظ الشاشة بنقرتين وایقاظ الهاتف عند رفعه كذلك لغيت ال Always On Display ، ولغيت بصمة الاصبع قيد التشغيل دائمأ ، قمت بعمل 3 مرات استعادة ضبط المصنع ، كمان استقبلت خلال فترة الاستخدام 3 تحديثات للنظام للهاتف ، كل ده ولم يغير أي شئ والمشكلة كما هي ، قلت يمكن السبب هو لاصقة الحماية (الاسکرین) اللي علي الشاشة اللي جاية مع الهاتف اللي فضلت استخدمها شهر ونص تقريباً ، لذلك لجأت الي اني اقوم باستبدالها وركب اسكرين جديدة ، برضة هي نفس المشاكل بتتكرر
ياريت تشوفوا مقطع الفيديو هتلاقوا فيه توضيح بخصوص موضوع Pin بيحصل ازاي و كمان صورة شاشة ( Screen Shot ) بتوضح الاشعار اللي بيقول ان البصمة اتحظرت ، تحياتي لكم جميعاً
اولا الف مبروك على الجهاز
ثانيا أوقف خاصية الضغط مرتين لفتح الهاتف طبعا الهاتف وهو في جيب البنطلون بيبقى فيه تلامس في الشاشة...
الدخول على الضبط ثم الميزات المتقدمة ثم الحركات والإيماءات
ثانيا أوقف خاصية الضغط مرتين لفتح الهاتف طبعا الهاتف وهو في جيب البنطلون بيبقى فيه تلامس في الشاشة...
الدخول على الضبط ثم الميزات المتقدمة ثم الحركات والإيماءات
الله يبارك فيك يا بطل ، كل ده وزيادة عملته بدون اي فايدة ، وبقالي 7 سنين بستخدم سمارت فون اول مرة اتصادف بالمشكلة دي 
