Ahmed RAshad A31

[Ahmedrashad]

ياريت الدعم والنصيحة ..معايه A31 خرج من الضمان بقاله سنة ونصف.. بيفصل مني لوحده وبيكون مشحون 80 و90% وبيرجع يشتغل لما بحطه في الشاحن تاني.!!!

عملت سوفت وير ونزلت أندرويد 12 في توكيل سامسونج ش عبد العزيز.. بس مازالت المشكلة متحلتش.. ممكن دعم لو سمحتم اصلحه فين عند حد يكون كويس.. والعيب ده ممكن يكون برده ولا ايه بالظبط؟! 

[Future2Day]

إحتمال المشكلة تكون فى البطارية. جرب الخطوات اللى جاية
نتأكد من حالة البطارية من خلال نفس التطبيق ده سامسونج ميمبرز والدخول على قائمة الحصول على مساعدة فى الواجهة الرئيسية للتطبيق وبعدين إختيار تشخيص لإختبار الجهاز وإختيار حالة البطارية وبعدين محاولة فالمفروض تكون طبيعى
ولو مش مفعلين خاصية إعادة التشغيل اللى موجودة فى الإعدادات - البطارية والعناية بالجهاز - الثلاث نقاط - التشغيل الآلى - إعادة تشغيل الجهاز (لازم تكون مش متفعلة)
الحلول المقترحة بتكون إنتظار تحديث ولو منفعش يبقى إعادة ضبط مصنع ولو منفعش يبقى تنزيل سوفت/روم فى التوكيل ولو منفعش يبقى تغيير بوردة خاصة بدايرة الشحن فى التوكيل

[samsungmena]

Ahmedrashad

صباح الخير يا فندم مع حضرتك ندى من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجه

بناء على سؤالك

التأكد من استخدام الشاحن الاصلى الخاص بالجهاز

تجربة شاحن اخر مع الجهاز

قم بتخفيض درجه سطوع الشاشة

اغلاق الميزات الغير مستخدمة مثل البلوتوث وال GPS

قم بإغلاق التطبيقات المفتوحة والتى تعمل فى الخلفية وغير مستخدمة

قم بالتاكد من عدم وجود اى مشكله فى البطارية الخاصة بالجهاز او زر التشغيل

قم بمراجعه استهلاك البطاريه الخاصة بالجهاز لمعرفة اكثر التطبيقات المستهلكه للبطارية

عن طريق الضغط على الضبط – صيانة الجهاز – البطارية – استهلاك البطارية

قم بإستخدام الجهاز على وضع توفير الطاقة

فى حالة استمرار المشكلة يرجى اعادة ضبط المصنع للجهاز.

الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch

http://www.samsung.com/eg/support/smartswitch/

وفى حالة استمرار المشكلة استأذنك تشرفنا فى اقرب مركز صيانة حتى يتم فحص الجهاز وحل المشكلة لحضرتك

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[Ahmedrashad]

أتأكدت من اللي حضرتك قولت عليه وعملت كل الخطوات دي واصلا مش بستخدم حاجات مش أصلية للتليفون وبقيت اعمل وضع توفير طاقة وبرضوا بيفصل لوحده بعد فتره من شحنه.. انا تليفوني متحدث وعاملت سوفت وير في توكيل سامسونج ش عبدالعزيز وعندي أندرويد ١٢..
ليه اعمل ضبط مصنع بقى زي ما حضرتك بتقولي فالاخر ما انا عامل سوفت وير من 10 ايام بس.. يا ريت حل فعلى لاني تعبت بصراحة من التليفون

[Ahmedrashad]

جربت اللي حضرتك قولت عليه وبرضوا بيفصل لوحده بعد فتره من شحنه.. انا تليفوني متحدث وعندي أندرويد ١٢ كمان دلوقتي.. بالنسبة للحل الاخير بتاع بوردة الشحن ده انا تليفوني خرج من الضمان من سنة ونص

[Ahmedrashad]

جربت اللي حضرتك قولت عليه وبرضوا بيفصل لوحده بعد فتره من شحنه.. انا تليفوني متحدث وعندي أندرويد ١٢ كمان دلوقتي.. بالنسبة للحل الاخير بتاع بوردة الشحن ده انا تليفوني خرج من الضمان من سنة ونص

[samsungmena]

Ahmedrashad

مساء الخير يا فندم مع حضرتك مهاد  من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجه

بناء على سؤالك

برجاء التوجة الى اقرب مركز صيانة حتى يتم مساعدتك فى حال استمرار المشكلة بعد اعادة ضبط المصنع

شرفنا بالدخول على الرابط التالي عشان تعرف اقرب مركز صيانة ليك

http://www.samsung.com/eg/support/servicelocation/

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[Ahmedrashad]

يا فندم لسه عامل سوفت وير في توكيل سامسونج ليه اعمل ضبط مصنع عايز افهم الفرق بين ضبط المصنع والسوفت وير؟

[Future2Day]

يالنسبة لإختبار البطارية من خلال نفس التطبيق ده سامسونج ميمبرز، النتيجة إيه؟

[Ahmedrashad]

مكتوب حالة البطارية: عادي
الحياة: جيد
البطارية تعمل بشكل صحيح
يعمل البطارية بشكل صحيح