مشكلة بتتكرر بشكل متفاوت علي مدار اليوم مع هاتف A52
المشكلة وبإختصار ان الهاتف وهو في جيب البنطلون ينشط لمس الشاشة احياناً مما يؤدي الي النقر الغير مقصود علي بعض الأمور ، وده بيترتب عليه مشاكل ، منها علي سبيل المثال النقر علي بصمة الاصبع اللي في الشاشة عدة مرات وبالتالي مهلة عدد ادخال البصمة بشكل غير متطابق 5 مرات متتالية بعدها بيديك حظر 30 ثانية ، علشان تتم اعادة استخدام البصمة مرة اخري
هو نفس الامر بيحصل مع فتح الجهاز برمز PIN والاقي ارقام كتير بيتم الضغط عليها ، بل الامر تخطي انه احياناً لو الهاتف بيرن بلاقي اما تم الرد او حتي رفض المكالمة ، واحياناً بلاقي اللمس دخل علي اعدادات Always On Display
طبعاً مع تكرار الكلام ده من 10 الي 15 مرة في اليوم ، قلت اعمل محاولات واشوف الاعدادات خصوصا وضع الجيب ، فعلت وضع الجيب مفيش فايدة المشكلة مستمرة ، ولغيت حساسية اللمس ، ولغيت ايقاظ الشاشة بنقرتين وايقاظ الهاتف عند رفعه لغيت الـ Always On Display ولغيت بصمة الاصبع قيد التشغيل دائماً ، كل ده ولم يغير أي شئ والمشكلة كما هي وللعلم اللاصقة (الاسكرين) اللي علي الشاشة الخاصة بالمصنع
