انا معايا جلاكسى A71 لسه جايبه من اسبوع ، كنت عاوز اسأل سؤال وعاوز حل ، هو ليه الواى فاى مش بيجيب الشبكات اللى مسافتها متوسطه يعنى انا لو واقف فى بلكونه فى الدور الرابع وعندى راوتر فى بلكونه الدور الاول مش بيجيبها خالص فى حين ان معايا موبايلات غير سامسونج بيجيب الشبكه ديه
ليس هناك حل لك سوى تركيب repeater سامسونج برمجت اجهزتها لالتقاط شبكات قوية الاشارة فقط وتجاهل اي شبكات ضعيفة حتى لو كانت جيدة فيا اما انها تكون ممتازة او لن تظهر لك ابدا. بالتاكيد تستطيع سامسونج حل مشكلتك بتحديث ولكن من المؤكد ان سامسونج لها مبرراتها في حجب الشبكات الضعيفة لانك لست اول من يشكو مما ذكرت.
ماشي هنعمل الخطواط دي مع بعض و باذن الله مشكلتك تتحل الخطواط دي بتاعت اعاده تنشيط الواي فاي 1. هندخل علي الهاتف (المكان اللي بتكتب فيه الارقام) 2. هتدخل الكود ده *#2663# 3. هنختار اعاده تنشيط الواي فاي(refresh wifi vision) و باذن الله المشكله دي تتحل
صباح الخير يا أستاذ عمرو مع حضرتك ساره من سامسونج مصر
بنشكرك جدا على طرح سؤالك وبنتمنى لحضرتك يوم سعيد
بنعتذر لحضرتك جدا عن المشكله اللى بتواجه حضرتك
بناء على سؤالك أن حضرتك بتواجه مشكله فى شبكه الWIFI
أستأذن حضرتك فى عمل تنشيط عن طريق اتباع الخطوات الأتيه
1) برجاء التأكد انه لا يوجد اى سائل بالجهاز 2) التأكد من اشارة الواى فاى تعمل 3) تأكد من ان الرواتر يعمل 4) ممكن حضرتك تجرب اتصال الجهاز برواتر اخر 5) ممكن حضرتك تقوم بأعادة ضبط للواى فاى من خلال هذا الكود *#2663# ثم اختيار اعادة تنشيط الواى فاى او refresh wifi version 6) برجاء التأكد ان الجهاز على اخر تحديث
