إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

AHMED ABO SALAH

(أُنشأ الموضوع في: 05-02-2021 07:57 PM)
Ahmed_Abo_Salah
Active Level 3
خيارات
جالاكسى A
السلام عليكم كنت شاركت مع حضراتكم من كام يوم عن مشكلة في جهاز A52 ، وهي ان عند وضع الهاتف في الجيب بيحصل ان النقر علي الشاشة لا يزال بيعمل ويضغط علي البصمة ورقم Pinوشوية مشاكل اخري ، قمت بعدة خطوات كتير لحل المشكلة.كما هو موضح في المنشور ولكن بلا فائدة ، انتظرت لحين ما اقوم بعمل استعادة ضبط مصنع للهاتف علشان ابقي عملت كل الخطوات ، وكمان قبل الاستعادة كان في تحديث للنظام من سامسونج وقمت بالاستعادة والتحديث ولكن بلا اي فائدة و المشكلة كما هي

 فايه رأي حضراتكم ، هل المشاكل دي طبيعي تحصل مع الهواتف اللي بتبقي ببصمة في الشاشة من جميع الشركات ؟ خصوصا اني اتصادفت بكذا تعليق بيقولوا ان عندهم نفس المشكلة هل انتظر تحديثات تحل المشكلة ؟

 ولا الموضوع هارد وير واسلم امري لله اروح للتوكيل ، وهل لو روحت للتوكيل ايه الاجراء اللي هيتم اتخاذه ، هل هيتم الاستبدال ولا الصيانة ؟ وياريت ريت اللي اتصادفت بعيب زي ده يفيدنا بالخطوات اللي يبارك فيكم ، لان معنديش وقت اني اتعطل واسلم الجهاز للتوكيل ويا عالم ايه الحلول اللي هنوصلها

 ملحوظة . . . .
 ارجوا من الاخوة اللي هيشاركوا في التعليقات الابتعاد عن اي تجريح او اهانة ، لان الامور مش ناقصة اللي الواحد فيه وندخل في جدال ونقاش لا فائدة منه الا تضييع الوقت 

image








8 التعليقات
M_Loka
Active Level 3
خيارات
جالاكسى A
بص حضرتك هو كل اللي انا اعرفه انو لو المشكله ف بصمه الصباع اللي ع الشاشه ف حضرتم تقدر توقف بصمه شاشه الصباع وتستخدم الباسورد
0 نقاط إعجاب
Ahmed_Abo_Salah
Active Level 3
خيارات
جالاكسى A
طيب هو انا اشتري جهاز بـ 6600 جنيه علشان استغني عن احد مزاياه اللي بيقدر يوفرها جهاز بـ 2000 جنيه بكل سهولة بدون مشاكل ، هل يعقل ذلك
0 نقاط إعجاب
Ahmed_Abo_Salah
Active Level 3
خيارات
جالاكسى A
معذرةً يا اخي ، هو انا بس الغرض من سؤالي عاوز اوصل اذا كانت دي مشكلة سببها سوفت وير عند الغالبية ولا فردية سببها هارد وير
0 نقاط إعجاب
M_Loka
Active Level 3
خيارات
جالاكسى A
لا طبعا وحضرتك عندك حق انا بس بنصحك عشان لو لقدر الله في اي مشكله تروح وتلحقها بس ان شاء الله خير
0 نقاط إعجاب
mageeeeeeed
Active Level 4
خيارات
جالاكسى A
ممكن انت بتعرق عشان الجو حر ف الايام دى ف لما بتحط الفون ف جيبك العرق بيمسك الفون كانك حاطط ايدك ع الشاشة ومش شايلها لانها كانت بتحصل معايا انى احط الفون ف جيبى وانا عرقان ف الاقى الفون بيخربط ويتصل هنا ويفتح تطبيقات من هنا
M_Loka
Active Level 3
خيارات
جالاكسى A
طيب بس انا عايزه اعرف يعني المشكله اللي عند حضرتك دلوقتي هي انو لما حضرتك بتحط تلفونك ف جيبك البصمه بتفتح صح ؟؟لو هي دي المشكله يبقي سهله ان حضرتك تحلها من الاعدادات
0 نقاط إعجاب
Samah-Ahmed
Moderator
Moderator
خيارات
جالاكسى A

 

مساء الخير يافندم مع حضرتك سماح من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

بناء على سؤالك من الموضح أن حضرتك بتواجه مشكله فى البصمه الخاصه بجهازك

أستأذنك فى عمل الخطوات الاتيه :

1-فتح الضبط 

2- الشاشه 

3- تفعيل حساسيه اللمس 

4- الغاء اللمس العرضى

ثم اعاده تشغيل الجهاز وتشغيل بصمه جديده 

ثم عمل اختبار البصمه الخاص بالجهاز  

1- الاتصال بكود *#0*#

2-نختار كلمه sensor

3-نختار finger print 

4- ضغط على normal test 

نتركها تعمل scan لو ظهر لحضرتك كلمه pass تبقى المشكله اتحلت

نتمنى حل المشكله عند حضرتك فى أقرب وقت ممكن و 

فى حاله استمرار وجود هذه المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك

0 نقاط إعجاب
Ahmed_Abo_Salah
Active Level 3
خيارات
جالاكسى A
اهلا وسهلا Samah
قمت بكافة الخطوات المذكورة ، ولكن بلا فائدة
0 نقاط إعجاب