A72

[mohamedaskr]

حد اتضحك عليه ف الموبيل دا ياجماعه ولا هوه حلو 

البصمه سيئه جدا وبتاخد وقت كتير وما بتقرأش البصمه صح من اول مره 

[NourAlmoselhy]

الغي بصمة الوجه face recognize

[mohamedaskr]

Setting
Biometric and recognition
Face recognition
Remove face data

[mohamedaskr]

بس ليه تلغيه دي احسن من بصمه الصابع

[NourAlmoselhy]

مش عارف بس الاتنين مع بعض مش غالين جرب بنفسك حتلاقي بصمة الإصبع سريعة جدا اكتشفتها لوحدي بعد معاناه

[Sara-nader]

صباح الخير يا فندم مع حضرتك ساره من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

بناء على سؤالك من الموضح أن حضرتك بتواجه مشكله فى البصمه الخاصه بجهاز ال

أستأذنك فى عمل الخطوات الاتيه :

1-فتح الضبط 

2- الشاشه 

3- تفعيل حساسيه اللمس 

4- الغاء اللمس العرضى

ثم اعاده تشغيل الجهاز وتشغيل بصمه جديده 

ثم عمل اختبار البصمه الخاص بالجهاز  

1- الاتصال بكود *#0*#

2-نختار كلمه sensor

3-نختار finger print 

4- ضغط على normal test 

نتركها تعمل scan لو ظهر لحضرتك كلمه pass تبقى المشكله اتحلت

لو مازالت المشكله موجوده أستأذنك فى اتباع الخطوات الأتيه : 

1. استاذنك ادخال الكود التالي *#0*#

2. واختار اي لون من الالوان الظاهره Red & green & blue

3. فى حاله ظهور الالوان بصوره طبيعيه يبقى الجهاز يعمل بشكل طبيعى

4. فى حاله عدم ظهور الالوان بصوره طبيعيه يرجى عمل اعاده ظبط مصنع للجهاز من خلال الخطوات الاتيه :

- الضبط 

-الاداره العامه 

- اعاده الضبط 

-اعاده تعييين بيانات المصنع 

-اعاده الضبط 

-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

فى حاله وجود نفس المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

و

تقدر تتعرف على أقرب مركز صيانه من خلال  الرابط الاتي:
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن و 

موجودين تحت أمرك وفى خدمتك فى أى وقت 

شكرا  لحضرتك ولوقتك

[SamSungNumberOne]

الموبايل شغال بمنتهي القوه والاداء الرائع جدا.. ما فيش اي مشاكل.. مميزات وإمكانيات روووووعه فقط 👍

[Sara-nader]

صباح الخير يا فندم مع حضرتك ساره من سامسونج مصر

بنشكرك جدا على مشاركتك ومجهودك معانا وبنتمنى لحضرتك يوم سعيد

ولو عند حضرتك أى استفسار أستأذنك توضحه

واحنا موجودين تحت امر حضرتك وفى خدمتك فى أى وقت 

شكرا لحضرتك ولوقتك

[1Fady1]

ف حاجات بتعملها بتسرع من سرعه استجابه البصمه
زي
انك تشيل الانيميشن بتاعت البصمه
و ممكن حضرتك تدور ع اليوتيوب هتلاقي كذا طريقه تخلي البصمه اسرع

[KINGMOUNIR]

بص يا باشا حاول تسجل اكتر من بصمة على نفس الصوباع والمشكلة ها تتحل ان شاء الله