A72

[Y5WFJ]

عطوني نصائح اول مره اشتري جهاز من Samsung 

كيف احافظ على عمر البطاريه وهكذا...

[homod]

والله بحثت عن هذا الموضوع أغلب التقنيين يقولون لا تخلي الشاحن ينزل أقل من 20% أو 15 لأن التفريغ المتكرر بيضر البطارية وأيضا ينصحون بعدم شحن الهاتف حتى نسبة 100% حتى الشركة دعمت ميزة ايقاف الشحن عند وصوله إلى 85% وطبعا الشركات ما سوت كذا عن فراغ أكيد سووا إختبارات على البطارية وفهموا اكثر وقدموا لنا هذي المزايا للحفاظ على البطارية 👍

[majid305]

بالنسبة ان البطاريه اضافو ميزة ٨٥% بس مثل اطالة عمر البطاريه
ما يقتل البطاريه هو تركه في الشاحن هو ١٠٠% عدم فصله فيه ناس تخليخ اليل كله دون ما تفصل الشاحن وهذا يضر البطاريه

[homod]

كل واحد له وجهة نظر 😶
المهم ان البطارية تخدمني 3 سنوات 👍

[majid305]

الله يا حمود كلام جميل 👍👍👍

[〆almutairi〆]

البطاريه تخدمك 3 سنوات بدون اشحن إلى 80 واشبكه شاحن 20!!!

جوالي بالسنه الثانيه وماعمري طبقت هالكلام كله ولله الحمد إلى الآن بصحه جيده

اصلا لها دورات شحن اذا تمتها يبدأ يضعف

كذلك عند وصول الشحن ميه يتوقف الشحن تلقائي

[〆almutairi〆]

اصلا اذا وصل 100 بالميه يتوقف الشحن تلقائي للمعلوميه 😁

[〆almutairi〆]

بالنسبه لي كلام فاضي

[majid305]

يا بن عمي هذا ما خذها من تقني من الاقدام في التقنيه اسمه عبدالرحمن العنزي
وجهة نظرك احترامه فوق راسي

[〆almutairi〆]

والله لا اخذ في كلام عبدالرحمن ولا غيره
الله عطاني عقل ماهو كل كلمه بسمعها سواء تقني ولا حارس مدرسه 😁

ولله الحمد اشحن الجوال إلى 100 والجهاز معي من سنتين والى الان البطاريه ممتازه وراح تبقى ممتازه إلى فتره أطول

اذا بشحن 80 هذا يعني باليوم بشحنه مرتين ولاتنسى لها دورات شحن محدده وبعدها يبدأ يضعف

دورات الشحن تتراوح من 400 إلى 500 وبعدها يفقد من كفائتها

فليش اشحن إلى 80 واذا وصل 20 بالميه اشحن مره ثانيه بكذا كل شوي وانا عند الشاحن!!! 😔


شاري الجوال باستمتع اذا انتهت كفائة البطاريه نغيرها وين الأشكال ولا اتقيد من 80 إلى 20!!

كل مايدار خزعبلات البطاريه لها عمر افتراضي كذلك يعتمد على استخدامك اما خله من 80 إلى 20 واشحن واكل زيتون كل صبح بيزيد عمر البطاريه 😂

يابن العم استمتع البطاريه استهلاكيه لها عمر وتتغير

هذي وجهة نظري وقناعتي الشخصيه


وصباحك سعاده وتحقيق امنيات ان شاء الله 😍♥️

[majid305]

وابد ما نختلف يا ين العم
بالعكس انا الجوال اذا وصل سنة كثر الله خيره 😁😁😁😁