A71

[MHRabea]

دلوقتي انا  معايا  التلفون  ده  بقاله  حوالي ٣ شهور  قبل  التحديث الاخير مكنش فيه اي  مشاكل خالص 

بعد التحديث الاخير بدات اقابل فيه مشاكل كتير 

يعني مثلا التلفون هنج معايا كم مره كده 

وانا بلعب cod التلفون بيجيب شاشه سوده والصوت شغال عادي لازم ترستر اللعبه مع العلم ان انا مشغلها علي اقل اعدادات وانا كنت بشغلها قبل كده علي اعلي حاجه 

Very high graphics

Very high frame rate

الصوت بتاع الفون بيفصل تماما مره واحده كده 

مكالمات وميديا وهاندزفري ومايك وكل حاجه 

حد قابله المشكله دي قبل كده يا ريت حل 

#samsung_ruined_everything

المفروض ان ده اعلي حاجه ف الفئه متوسطه السعر اكيد عمره الافتراضي مش ميتين ام شهرين يعني 

[MHRabea]

بس المشكلة دي مكنش ليها وجود قبل كده زي ما وضحت وكنت بلعب علي اعلي حاجه

[Artist8]

إعمل إعادة ضبط المصنع ، أحيانا لو في مشاكل بعد التحديث بتتظبط بالطريقة دى ، بس متتوقعش إن أدائه هيتحسن فى ال games ..لكن حاجة زى مشكلة الصوت فى المكالمات ممكن تتظبط ..
عموما ، هو يفضل إنك تعمل إعادة ضبط مصنع بعد التحديثات خصوصا الكبير منها

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك بعد التحديث

يرجى  اعادة ضبط المصنع للجهاز.
الضبط ← الاداره العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch
http://www.samsung.com/eg/support/smartswitch/

فى حاله استمرار وجود هذه المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك