A70

[mohameddesoky]

من فضلكم حد يساعدني التليفون و هو بيحدث وقف عند كلمة سامسونج ومش بيفتح خالص و مش عارف اعمل ايه حد يساعدني بجد 

[zezoahmed1133]

اصبر عليه شويه

[Mmohamedsobhy]

اعمل ريسترت من الريكفري دوس ع زورار الباور + زورار اللي بيعلي الصوت و اللي بيخفضه ال ٣ زراير مع بعض هيفتح السيستم من جوا و تعمل ريستري ريكفري هيقفل و يفتح لوحده .. متروحش لبتاع صيانه عشان هيقولك عايز سوفت وخلاص +انا بتكلم عن ثقه ونفس الموضوع حصل معايا

[poisonadvantage]

دوس علي ال 3 زراير مع بعض

[adl44238]

اضغط على زر الباور وزر خفض الصوت مع بعضل لمدة عشر ثوانى لحد الجهاز ما يعمل استارت ويعاد تشغيل الهاتف وتنتهى المشكلة

[WindierEar23299]

لو منفعتش معاك الطريقة دي شوف الفيديو ده https://youtu.be/khG9gk9imt8

[elgohary1]

factory reset وهو هيكمل لوحده متقلقش

[3bdallah2hmed]

لازم تعمل فورمات من الريكفري

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك اثناء التحديث اساتاذنك انتظار الانتهاء من التحديث 

يرجى  اعادة ضبط المصنع للجهاز.
الضبط ← الاداره العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch
http://www.samsung.com/eg/support/smartswitch/

فى حاله استمرار وجود هذه المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك