A70 camera

[DocRooow]

A70 كاميرا 

السيلفى بعد التحديث قلت ل ٢١ ميجا بيكسل حد فاهم ليه

و كمان العدسه الوايد انجل للكاميرا الخلفيه مبعتش موجوده 

[Anonymous]

ادخلي على الكاميرا ودوسي على علامة الترس وانزلي تحت خالص واختاري اعادة ضبط للاعدادات بتاعة الكاميرا وشوفي ايه الاخبار

[DocRooow]

اه تمام كده رجعت شكرا
بس لازال الرزليوشن للسلفى ٢١

[Hòssam]

العدسه الوايد مش هاتشتغل غير لما تغيري الجوده اقل من ٣٢ علشان لو اختفت منك تاني تبقى عارفه ايه السبب

[القرشى]

جودة الكاميرا الأمامية للهاتف 5,2 ميجا بكسل وليس 8 ميجا بكسل كما أعلنت الشركة عند إطلاق الهاتف وللأسف دا غش تجارى .

[MuhammadYosri]

قولتك ده خطأ لان الكاميرا بتتغير علي حسب الخاصيه مابين 5.2 و 8

[القرشى]

يا أستاذ محمد أعلى جودة للكاميرا مع الذكاء الإصطناعى الأمامية 4x5,2 = 20,8 ميجا بكسل والكاميرا الخلفية 4x8 = 32 ميجا بكسل وطبعا مع هذا الوضع تفاصيل الصورة مشوهة . أما تصميم ودقة الكاميرا الفعلى أمامى 5,2 والخلفى 8 ومع هذا الوضع بتكون الصورة فى قمة الجودة تفاصيل وألوان .

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك بعد التحديث

يرجى  اعادة ضبط المصنع للجهاز.
الضبط ← الاداره العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch
http://www.samsung.com/eg/support/smartswitch/

فى حاله استمرار وجود هذه المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك