بص دي بتكون عبارة عن شوية حاجات ملهاش تصنيف واضح زي ملفات الكاش، مخلفات التطبيقات، ملفات التحديثات القديمة، وحاجات كتير ملهاش لازمة. عشان تفضي المساحة دي
1. امسح الكاش بتاع التطبيقات الكبيرة
افتح الإعدادات← التطبيقات← خش على التطبيقات اللي بتاخد مساحة كبيرة زي فيسبوك، واتساب، يوتيوب، تيليجرام واعمل:
مسح الكاش (مش البيانات عشان متخسرش حاجة). لو عندك تطبيقات قديمة مش بتستخدمها، امسحها فورًا. 2. خش على مدير الملفات وفضي المخلفات
افتح ملفاتي وروح على الفولدرات دي واحدة واحدة:
Download: احذف أي حاجة قديمة مش محتاجها. Android/data و Android/obb: امسح مخلفات التطبيقات اللي مسحتها زمان. WhatsApp/Media و Telegram: شوف الفيديوهات والصور القديمة وامسح اللي مالوش لازمة. 3. امسح ملفات التحديثات القديمة
خش على الإعدادات← العناية بالجهاز← التخزين← دوس على ملفات أخرى، ولو لقيت ملفات قابلة للمسح، احذفها فورًا.
4. استخدم وضع الريكفري لتنضيف الموبايل نهائي اقفل الموبايل. اضغط زر التشغيل + زر رفع الصوت مع بعض لحد ما الموبايل يفتح على شاشة سوداء. استخدم زر خفض الصوت وانزل لـ Wipe Cache Partition ودوس زر الباور. بعد ما يخلص، اختار Reboot System Now وشغل الجهاز. 5. لو لسه في مساحة رايحة في الهوا لو بعد كل ده لسه في مساحة كبيرة ضايعة، يبقى الملفات دي جزء من النظام ومش هتتمسح غير بـ إعادة ضبط المصنع (وده آخر حل لو المساحة فعلاً عاملة مشكلة).
