A52s

[Yasserbahaa]

بسم الله ما شاء الله 

هواتف كتير وصلها تحديث One UI 5.1 

زي A52 و A32 و A71 و A51 

و A52 وصله كمان تحديث امان مارس 

الا الغلبان A52s 

هي سامسونج نسيته ولا ايه ؟

[Haytham_]

الف شكر ليك يا غالي علي ترشيحك للموبايل بس لما نيجي لمشكلة تشغيل خطين مع بعض في نفس الوقت أي شركة غير سامسونج هتكون أفضل لإن بصراحة عيب اوي موبايل زي
A52s
يكون مش عارف يشغل خطين مع بعض في نفس الوقت بشكل مظبوط المشكلة عندي إن بلاقي خط يسقط شبكة تماما ويظهر علامة فوق إنه ملغي واوقات كتيره كمان حد يتصل بيا يلاقي التليفون مغلق وأنا مش قافل الموبايل وكمان ظاهر في الموبايل عندي إن في أصلا شبكة يعني أنا مش هعرف إن في مشكلة أساسا
بحل المشكلة إزاي بقي إني الغي خط واشغل خط وقتها الدنيا تتظبط وميحصلش أي مشكلة أو اثبت الخطين إنهم يشتغلوا علي ثري جي فقط في الحالة دي الخطين يشتغلوا يعني حاجه عك في عك والاسم موبايل غالي وبتاع

[3dn3n]

بص والله انا كمان في عندي المشكله دي انا معايا a12 ونفس المشكله سعات بيعمل كده معايا او حتى لما انا اتصل على حد نفس المشكله بيقلي كمان ان مغلق في بعض الحيان بس ماعتقدش ان ده بسبب خطين عشان لما شلت الخط التاني بتاعي لمدة اكتر من شهر كان كمان نفس المشكله مفيش فرق

[Haytham_]

لا أنا متأكد إنها بسبب تشغيل خطين مع بعض أنا عملت تجربة وأنا بكلمك دلوقتي وهرفعلك صورة مجرد اما خليت الخط الاولاني علي
5g
و التاني علي
4G
اتفضل بص فوق هتلاقي الخط التاني ظاهر إنه ملغي رغم إني مش لاغيه والله دا وأنا بكتبلك الرد حالا حتي شوف الساعه في الصورة

[3dn3n]

اه حضرتك انا مصدقك بس حضرتك جربت تحطهم على ال4g هم الاتنين

[3dn3n]

واني واحد فيهم هو الي فاصل الاول ولا التاني؟

[Haytham_]

الخط التاني بيظهر إنه ملغي والخط الأولاني بيظهر إن فيه شبكه بس لو حد اتصل بيقوله مغلق

[Haytham_]

لازم أعمل الخطين علي ثري جي فقط عشان أقدر استخدم الخطين في نفس الوقت واستقبل مكالمات ورسايل وكله في نفس الوقت واخلي الوضع زي الصورة دي كده

[3dn3n]

طيب والي بيحصل لما تحطهم على ال 4g?

[Haytham_]

بيحصل نفس الحكاية الخط التاني بيتلغي لأني مخلي الخط الأولاني الأساسي وبيحصل نفس الموضوع في الخط الاولاني لو خليت الخط التاني الأساسي بيظهر إنه ملغي والخط إللي بيظهر إن فيه شبكة بيكون مغلق لأي حد بيتصل وطبعا الملغي كده كده بيكون مغلق لأي حد بيتصل بيا يعني الموبايل مالوش لازمه الواحد يشيله بقي
المشكلة بتتحل لما بلغي بنفسي خط منهم الدنيا بتظبط هيا شكلها مشكلة سوفت وير وكلمت سامسونج آكتر من مره ومحدش فاهمني ولا حد عاوز يفهم وأنا مش بستغني عن الموبايل ولو هفرمت الموبايل تاني يبقي مش هستخدمه وهنقل لموبايل جديد لأني فرمتت قبل كده مرتين والمشكلة متحلتش

[3dn3n]

طيب بص هو انت محتاج النوع ده من الموبايل ولا مش لازم ده لو مش لازم فالموبايل بيتباع ب ١٣٠٠٠ جنيه ممكن تبيعه و تجيب الموبايل الي قلتلك عليه بس بصفت انه هو مستعمل ممكن تبيعه ب ١١٠٠٠ جنيه و اما الموبايل ال realme10 ب ٨٠٠٠ جنيه يعني في مكسبين شوف انت لو عاوز كده غير كده والله مش عارف