دلوقتى هل حرارة المعالج ف الاستخدام بتأثر على لزق الضهر للموبايل ياريت افاده لان انا ف مشكله ف موبايلى من وقت ما كان جديد حتى بعد ما وديته الصيانه قبل كده من حوالى ٣ شهور بيعمل نفس المشكله تانى واللى هى انا الضهر بيرفع من نحية جمب الزراير و الكاميرا مع حرارة الجهاز و لما بحط الموبايل بسيفه ع مدى نظر العين بلاقى ان ف حاجه بتزنق طرف الباب ف الضهر هل ده من الحراره ولا ف حاجه مش مظبوطه ف الفون كعيب صناعه فياريت حل ولو ف مركز صيانه ف الاقصر ليه الافضليه ياريت حد يبعتلى لوكيشن ليه
حضرتك ممكن يكون فعلا لزق الضهر الداخلي للفون بيفك وديه مشكلة هما ملزمين يحلوها طبعا مافيهاش كلام لانه عيب صناعة خاصة انك عملت اختبار للبطارية وسليمة وكمان لو انت مسبتش الفون في الشمس او تحت تأثير درجة حرارة عالية
صباح الخير يا فندم مع حضرتك اميرة من سامسونج مصر بنشكرك جدا علي طرح سؤالك في البدايه بعتذرلك جدا علي المشكله اللي واجهتك بناءا علي سؤالك من الواضح أن حضرتك بتستفسر عن وجود سخونه عاليه فى موبايل حضرتك أستأذنك فى عمل الخطوات دى علشان نقدر نحل المشكله الموجوده 1-قم بالتاكد هل السخونه تظهر عند شحن الجهاز فقط ام عند الاستخدام بشكل عام 2-عند استخدام الجهاز لفتره طويله سوف تحس بسخونه منه يمكن تحملها 3-متاح للجهاز ام لا Software قم بالتاكد هل هناك اى تحديث 4-قم بعمل اعاده ضبط مصنع للجهاز عن طريق الخطوات الاتيه 1- الضبط 2-الاداره العامه 3- اعاده الضبط 4-اعاده تعييين بيانات المصنع 5 -اعاده الضبط 6-مسح الكل واستأذن حضرتك قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch http://www.samsung.com/eg/support/smartswitch/ 5-فى حالة ارتفاع درجه حراره الجهاز بصوره غير طبيعيه و عدم القدره على لمس الجهاز عند ارتفاع درجه الحراره يجب التوجه لمركز الصيانه ولمعرفه أقرب مركز صيانه خاص بحضرتك من خلال الرابط التالى : https://www.samsung.com/eg/support/service-center/ نتمنى حل المشكله عند حضرتك فى أقرب وقت ممكن و موجودين تحت أمرك وفى خدمتك فى أى وقت شكرا لحضرتك ولوقتك
19759 دا رقم الخط الساخن كلمهم واعرف اقرب فرع ليك والمواعيد . هيقبل منك الفون عادى طلامه ضمان سامسونج كل الضمانات تحت شعار سامسونج طلامه الضمان سارى هيقبل منك الفون بالسريال عادى
