A52S بعض اخطاء ومشكلات تحديث

[ĶHÃŁĘĐ]

الناس اللى كانت مستعجله على التحديث عاملين ايه . . اما بالنسبه للمشاكل اللى ظهرت بعد تحديث اندرويد ١٢ لمعظم هواتف A52S

رعشه فى الشاشه . تهنيج فى حساس المكالمات 

تهنيج فى الالعاب .تهنيج عام . عدم قراءة الفلاشه . اعادة تشغيل تلقائى . تهنيج للبصمه وبصمة الوجه . خروشه او تغير فى صوت الاغانى احيانآ . . . . محدش يقلق دى اخطاء تحديث وهاتتحل مع التحديث الامنى الجاى . علشان كدا التحديث بينزل قبل ميعاده بشهر ونص للأختبار . اما تهنيج البصمه فى الطبيعى بيكون فى الشتاء اكتر بسبب انكماش البصمات انفخ في الصباع وجرب . وبرضه مشكلة البطاريه بتخلص بسرعه فى الشتاء ودا امر طبيعى متعرضدش الفون للبروده الشديده لانك هتلاقى البطاريه بتخلص بسرعه حتى لو مش بتستخدمه . 

و شكرآ ...... 

[ĶHÃŁĘĐ]

اوعى .
اشترى طبعآ a52s
دى مجرد اخطاء وبتحصل مع كل الاجهزه فى التحديثات والشركه بتتابع الاخطاء وبتبعت تحديث يحل كل حاجه وبتحصل فى كل الاجهزه انما a52s اعلى واحسن بكتير انا قارنت الاتنين يد بيد
A52s اشترى
كان شغال تمام قبل التحديث عادى متقلقش الفون جميل وحلو جدآ على فكره علشان كدا التحديث بينزل قبل الميعاد الرسمى ب شهرين لمتابعه الاخطاء .

[KarimMohammed]

ليه طب ايه عيوب m52

[KarimMohammed]

اصل انا معايا m51
والبطارية بتقعد يومين مرتاح و ١٥ ساعة اسكرين اون لانها
٧٠٠٠ امبير
في عشان كدة مناسب ليا جدا m52
لكن a52s
بطاريته ضعيفة مش بتكمل يوم حسب كلام الناس والشاشة اصغر

[Muftii]

طيب استفسار لو سمحت ، هو معايا بعد التحديث ف الغالب الدنيا تمام بس أداء البطاريه مش افضل حاجه ولسه معملتش اعاده ضبط مصنع السؤال هنا بعد اعاده الضبط هل الأداء هيتحسن ؟ والسؤال التاني هل بعد كل تحديث لازم اعاده ضبط مصنع ؟

[ĶHÃŁĘĐ]

هو الافضل بعد كل تحديث اعادة ضبط وكمان البطاريه بتكون ضعيفه وبتقل بسرعه لما تفتح الداتا وفى الجو الساقع واحيانآ تخريف سوفت بعد التحديث

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك بعد التحديث

يرجى  اعادة ضبط المصنع للجهاز.
الضبط ← الاداره العامة ← إعادة الضبط ← إعادة تعيين بيانات المصنع ←إعادة ضبط ← مسح الكل.
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch
http://www.samsung.com/eg/support/smartswitch/

فى حاله استمرار وجود هذه المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها

تقدر تتعرف على أقرب مركز صيانه من خلال  الرابط الاتى
https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا تحت أمر حضرتك وفى خدمتك فى أى وقت

شكرا لحضرتك ولوقتك

[mohamed14yasser]

انا التلفون مش راضى يخش على وضع الريكفرى التحديث لو جه هيحل الموضوع ده بردو ولا ايه

[Thelegened]

اقفل الفون ووصله على لاب بالوصلة واضغط على زر علو الصوت والباور لحد ما الجهاز يدخل على الريكفرى مود