A52

[Armiasaeed]

هل A52 عليه اسكرينة بلاستيك ولا لا طب انا عايز اركب اسكرينة ازاز هل اشيل البلاستيك واركب الازاز ولا اركب الازاز فوق البلاستيك؟

[Ashraf٠٠٠]

متابع

[Mizo1985]

ركب سكرينه...اللي عليه ضعيفه جدا
ارشحلك سكرينه اللي هي عليها شفه عاليه تحمي البروز...بصراحه حلوه جدا
انا حبتها من بورسعيد ب ١٥ جنيه و محلات جنبه كتير ببيعها بأغلي من كده بكتير اوي..لحد ١٠٠ جنيه..و الخامه واحده و نفس الشكل

[Caesar_2020]

شيل الاسكرينة وركب اسكرينة تانية وانا بفضل الاسكرينة الجيلاتين مش الازاز عشان الازاز مع الخبط بيكسر

[IsmailSalah]

الازاز الأفضل في الحماية عن السيراميك والجلاتنين

[Caesar_2020]

مبدأيا أنا مبقولش كلام جاهل أنا بتكلم بناء عن تجربة شخصية لأني عملت نفس الحاجة لما سألت كله قالي هات الإزاز ولما جبتها لقيتها كل أسبوعين بتتكسر وبغيرها وقلت أجرب الجيلاتين لقيتها شغالة كويس وبقالها معايا أكتر من سنة وتمام لا السكرينة حصلها حاجة ولا الشاشة حصلها حاجة مع العلم الفون بيقع مني كتير بس كل نوع في منه النضيف وفي منه الرخيص أنا جبت جيلاتين نوع نضيف وشغالة زي الفل صاحب الموضوع سأل وانا رديت وقلت وجهة نظري عايز ياخدبيها او لاء ده موضوع يرجعله بس مش معنى اني مختلف معاك اني جاهل بل العكس الجهل اني افرض رايي واعتبر اي حد يختلف معايا جاهل وعلى فكرة كان ممكن تقول رايك باسلوب احسن من كدة احنا مش فخناقة هنا

[Caesar_2020]

انا لو مش محترم ممكن اتكلم باسلةبك واشتمك والشتيمة سهلة علفكرة بس عشان محترم مش حرد عليك ومش هنزل لمستواك

[Mizo1985]

الجيلاتين بتغمق لون الشاشه و مش عمليه

[Samah-Ahmed]

مساء  الخير يا فندم مع حضرتك سماح من سامسونج مصر

بنشكرك جدا على طرح سؤالك وبنتمنى لحضرتك يوم سعيد

بناءا على سؤالك من الموضح أن حضرتك بتستفسر عن شاشه حمايه screen protector

لجهاز حضرتك بيكون في انواع كتير يا فندم

الأفضل ان حضرتك تتوجه لاقرب فرع مبيعات خاص بسامسونج

وهما هيرشحوا لحضرتك الأفضل مع توضيح مزايا وعيوب كل شاشه حمايه

ولاقرب مركز مبيعات لحضرتك تقر تتعرف عليه من خلال الرابط التالى:

http://www.samsung.com/eg/storelocator

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك