A52

[moraashraf]

موبايلي A52 بس مش s ولا 5G دلوقتي لما باجي افتح الداتا بيكتبلي +H مع إنه كان بيكتبلي 4G عادي الكلام ده بقاله 3 أيام

وكُنت مفعله خاصية VOLTE بردو مش ظهرالي حتى وأنا في مكان الشبكه فيه قويه

لما دخلت ابص على network mode ملقتش 4G اصلاً ضمن الاوبشنز يا 3G يا 2G

ده كده ايه أرجو الإفاده

[tamim2022]

هتكلم حضرتك اورانج عاوز اقولك ممكن القصة كلها في الشريحة عاوزة تتغير وده بيحصل كتير جدا .
هتتصل بأورانج وتقولهم متقلقش فونك سليم ولا اي حاجة مادام بتجرب شريحة تانية وبتشتغل عادي يبقى تمام وعاوز تطمن اكتر حط شريحتك انت في جهاز تاني وجرب كدة .

[moraashraf]

لأ مفهمتش كلامي صح
الشريحه بتاعتي أنا مش بيجيبلي 4G سواء حطيته في SIM1 او 2 ونفس الكلام حطيت شريحه تاني بردو في موبايلي بردو جابلي H+
بس جربت شريحتي في موبايل تاني اشتغل 4G
ف كده معتقدش العيب في الشريحه فاهمني

[tamim2022]

طب حضرتك الكلام ده في كل الاماكن ولا في اماكن معينة ؟؟؟؟
يعني دايما بتقرا معاك كدة في كل مكان؟؟

[moraashraf]

أنا موبايلي كان فاصل ڤيبراشن بسبب إنه ضهره كان فك اللزق ووقع مني من مكان عالي شويه سرير بدورين
ف وديته يتصلح والراجل غيرلي الجزء ده بس تاني يوم لاحظت إن الشبكه مش أحسن حاجه قولت عادي بسبب الجو وكده بس لما كنت بطلع في حته فيها شبكه قويه ال volte دي كانت بتظهرلي فوق لاقيتها مش ظهرالي ولما جيت افتح داتا لاقتها اتش رسترت التليفون وبردو مفيش قولت عيب شبكه يمكن بعافيه شويه
نزلت الشارع وبردو لا ظهرلي volte ولا 4G
روحت لبتاع الصيانه تاني يمكن يكون حرك حاجه بالغلط ولا داس على حاجه معروفه ان الموبايل طالما اتلعب فيه ف مش هيسكت قالي إن الڤيبراشن في حته وال ic في حته وانه عشان يجي جمبه لازم يشيل البورده وهو مجاش جمبها
ف مش عارفه ممكن يكون ic فعلاً ولا ايه اصل اشمعنا ده يحصل بعد م صلحت الڤيبراشن قبل م يتصلح كان بيظهرلي فور چي عادي

[tamim2022]

وارد طبعا يكون فني الصيانة السبب ومافيش حد هيقولك اه انا السبب او انا عملت حاجة كله هيقولك انا مجتش جنبه .
طيب عموما وارد طبعا تكون الواقعة هي السبب بس برضه عاوز اقولك حاجة اذا الواقعة السبب مش هيقرا اي نت خالص لا فور جي ولا حتى واحد جي هيفصل داتا اصلا.
انا بتكلم عن تجارب شخصية حصلت معايا منها اللي طلع السبب في الشريحة ومنها اللي طلع الشبكة وكلمت الشركة وعالجوا المشكلة وانا اورانج برضه.
ومنها اللي طلع الفون لما وقع مني.

[moraashraf]

مش بقول بسبب الواقعه بقول ممكن بسبب تصليح الڤيبراشن يكون فعلاً ضغط على البورده أو حاجه
بس طالما حضرتك بتقول إنه لو هيفصل شبكه ف هيفصل من كُله يعني لا فور ولا وان حتى ف اوكيه بس هل في احتمال يكون ic ال 4g اتحرق فعلاً ولا ده هبد؟ ولو اتحرق فعلاً ليه حل ولا؟
ولو القصه بره كده اصلاً حضرتك شايف اكلم اورانچ يعني وهما هيحلوها ولا اروح اي فرع اضمن

[tamim2022]

انا بقول وارد يكون من الواقعة.
قصة حرق الاي سي هيفصل تماما لكن ممكن يكون حاجة سابت او غيره.
وحله انه يتغير ده اذا اتحرق وان شاء الله مافيش حاجة .
وانا من رأي تكلم اورانج مش هتخسر حاجة اهو تسمع منهم وتعرف ايه المشكلة ديه مكالمة فون.

[moraashraf]

مش بعرف اكلم خدمة العملا بتصل ب 110 وبقعد اسمع الرساله المسجله وفي الآخر مش بيحولني لحد
لو حضرتك تعرف الطريقه اكون شاكره ليك

[tamim2022]

للاسف حضرتك مافيش غير انك تكلميهم عن طريق الرقم بتاعهم ده او اذا عندك تطبيق ماي اورانج تقدري تتواصلي معاهم عن طريق التطبيق.

[tamim2022]

وممكن عن طريق الواتس اب ادخلي ع جوجل واكتبي واتس اب اورانج وهيطلعلك