A51

[basem_a51]

اختار اي واحد  احسن للتلفون

[BelalEssa]

إيه ram plus دى أصلا 😃

[basem_a51]

اصلا😄😄😄

[basem_a51]

بص هيه انت لو عايز تزود رامات او تنقص بتروح لرام بلس

[BelalEssa]

حلو ليه بقى أنقصها أو أزودها ما هى الفائدة من حدوث ذلك 😃😃

[basem_a51]

🙃🙃🙃🙂🙂🙂

[basem_a51]

ولله معرف انا بسأل عشان كده

[BelalEssa]

إن شاءالله حد يجاوب 😅😅

[basem_a51]

وده استهلاكي

[Ramy9876]

الخاصية دي بتحجز جزء من وحدة التخزين الداخليه (SSD) وتستخدمها رام افتراضيه، بالتالي بتوفرلك مساحة اكبر لتشغيل تطبيقات أكثر في نفس الوقت
اختيار انك تشغلها او تلغيها او تختار انهي مساحة من دول يعتمد على استخدامك والجهاز فيه رام قد ايه
الأول تابع متوسط استهلاك الرام عندك وشوف معظم الوقت بيبقى كتير وللا قليل.. يعني مثلا لو في العادي استهلاك الرام مش بيوصل النصف يبقى انت اصلا ممكن تقفل الخاصية دي عادي خالص ومش هتلاحظ تأثير في الأداء
يعني لو الاستهلاك العادي زي في الصورة كده ممكن تقفلها او خليها على أقل اختيار وأظن هتلاقي الأداء تمام
اما لو بتشغل تطبيقات كتير في نفس الوقت أو العاب تقيلة مثلا وبتلاحظ بطئ يبقى خليها شغالة وجرب أقل حاجة الأول وشوف الأداء عامل ازاي، لو تمام يبقى مش محتاج تزوده، اما لو لسه في تهنيج بشكل مستمر جرب الرقم الأعلى وهكذا
في بعض الناس بيقولوا ان الخاصيه دي ممكن يكون ليها تأثير سلبي على أداء ال (SSD) مع الوقت لكن بصراحة معنديش فكره اذا الكلام ده صح ولا لأ.. لكن لو لقيت نفسك مش محتاج الخاصية دي ممكن تقفلها أضمن