A50

[Ibrahimaboali]

ي جماعه بعد ازنكم موبيلي A50 كان شغال تمام وفجاه بقي الشحن يفضي بسرعه والشبكه تقطع واجي ادخل ع التطبيقات يتاخر منا م يفتح الطبيق  حد يفيديني اعمل اي 

[Artist8]

غالبا معندكش شبكة فى المكان الى أنت فيه فالجهاز بيقعد يدور على شبكة عشان كده الشحن بيخلص و بطئ ... جرب تعمل وضع الطيران و شوف هيفرق معاك ولا لأ

[Artist8]

لو فرق معاك ... جرب تستخدم التليفون فى منطقة تانية و شوف الوضع
و متنساش تشوف إستهلاك البطارية عشان تعرف التطبيقات الى بتستهلك. البطارية و حاول ترتب الوطبيقات حسب آخر توقيت إستخدام عشان تعرف ايه إشتغل فى الآخر

[osama55]

اقسم بالله قصه الشبكه دي ملهاش اي لازمه اما اعمل وضع طيران لازمتووو ايه التلفون الي انا مشتريه دي شركه بتنصب عليناااا بآي هبل وخلاص حسبنا الله ونعمه الوكيل

[Artist8]

على فكرة سامسونج كانت عاملة فى موديل من الموديلات القديمة S3 يمكن أو حاجة خاصية إنك لما تكون فى مكان مفيهوش شبكة ، التليفون يعمل وضع الطيران بشكل تلقائي
أنا شخصيا لما بدخل مكان مفيهوش شبكة ، بفعل وضع الطيران لان التليفون بيفضل يدور على شبكة. يسخن و يستهلك بطارية على الفاضى ، لأن طالما مفيش شبكة فكده كده التليفون ملهوش معنى إنه يبقى مفتوح و الأفضل فعلا إنك تقفله
ثانيا ، أنا بأقول إنه يعمل كده من باب الإختبار فعلا عشان يعرف إذا كانت المشكلة فى الشبكة ولا لأ

[zafeer4]

يا أخى الحبيب هو مش بيقولك أعمله
وضع طيران طول الوقت

ده مجرد اختبار

[Kirolos_Habib]

اعمل ريستارت للجهاز و لو لسه المشكله اعمل اعاده ضبط مصنع
بأذن الله مشكلتك تتحل
لو في اي استفسار او سؤال ممكن حضرتك تشرفنا في صفحتنا على الفيسبوك
https://www.facebook.com/Jk-106248377878382/

[abdallahiaaa23]

بالفعل البطارية بتخلص بسرعة جدا غير الأول خالص كنت بشحن باليل ياخد اليوم كامل دلوقتي بشحنه مرتين في اليوم وجربت كل الطرق وعملت ضبط مصنع وكل حاجه وهوه زي ماهوه

[Ibrahimaboali]

فعلا دي نفس مشكلتي

[Sara-nader]

 مساء  الخير يا فندم مع حضرتك ساره من سامسونج مصر

بنشكرك جدا على طرح سؤالك وبنتمنى لحضرتك يوم سعيد

فى البدايه بعتذرلك جدا عن المشكله اللى بتواجه حضرتك

بناءا على سؤالك من الموضح أن حضرتك بتواجه مشكله فى البطاريه 

أستأذن حضرتك فى اتباع الخطوات دى :

1.قم بتعديل درجة سطوع الشاشه

2-كل ما كانت الشبكه ضعيفه كل ما كان التليفون بيبذل جهد وبيقوى الشبكه فبالتالى بيسحب من البطاريه 

3-قم باغلاق التطبيقات المفتوحه 

4-قم بالتأكد من عدم وجود أى مشكله فى البطاريه الخاصه بالجهاز أو زر التشغيل 

5 -استخدام الشاحن الاصلى بالجهاز 

وبالنسبه للمشكله الموجوده فى الشبكه 

استأذن حضرتك فى اتباع الخطوات الأتيه للتمكن من المساعده

1-الدخول الى الضبط

2 -اختيار  المزيد

3- المزيد من الشبكات

4- شبكات الهاتف المحموله

5- نمط الشبكة

6- حضرتك بتختار شبكة اخرى غير الشبكة المستخدمة

ممكن نجرب وضع الطيران ثم تشغيله مرة أخرى لتنشيط الشبكة

لو نفس المشكله مستمره

  يرجى  اعادة ضبط المصنع للجهاز.

الضبط

← الاداره العامة

← إعادة الضبط

← إعادة تعيين بيانات المصنع

←إعادة ضبط

← مسح الكل.

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

Samsung smart switch

http://www.samsung.com/eg/support/smartswitch/

نتمنى حل المشكله عند حضرتك فى أقرب وقت ممكن

ولو عندك أى استفسار أخر

هتلاقينا موجودين تحت أمرك فى أى وقت

شكرا لحضرتك ولوقتك