بدون سبب #سامسونج a50 عندى بيعمل ريستارت وبيعلق على شعار سامسونج لوحده والجهاز بيحاول الاقلاع دون اى فائدة وطبعا بيسخن اخر مرة قلت هاينفجر والمشكلة دى خاصة لو شغلت شبكة الانترنت واى فاى او بيانات الهاتف من بعد اخر تحديثات من اسبوعين وعملتله ريكفرى كذا مرة وضبط مصنع ونفس المشكلة لم تتغير واحيانا يشتغل ساعة كاملة ويرجع تانى .. ايه الحل ؟!
مساء الخير يا فندم مع حضرتك اميرة من سامسونج مصر بنشكرك جدا علي طرح سؤالك ونتمنى لحضرتك يوم سعيد فى البدايه بعتذر لحضرتك جدا عن المشكله اللى بتواجهك بناء على سؤالك أستأذن حضرتك فى التوجه لاقرب مركز صيانه للتمكن من فحص الجهاز ومساعده حضرتك للتعرف على أقرب مركز صيانه خاص لحضرتك من خلال الرابط التالى : https://www.samsung.com/eg/support/service-center/ ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
محدش بيفحص اجهزة عندكم وانا رحت مرتين لفرعين مختلفين .. اول ما اقوله الجهاز بيعمل ريستارت ومابيفتحش ولو فتح بيتجمد الجهاز ويقفل ويقف على الشعار .. قالولى تغيير بوردة ب٢٨٠٠ جنية بدون اى كشف على الجهاز او اى شئ .. راجعى حضرتك التعليقات والردود .. مع الشكر
واضيف لحضرتك من الشعر بيت .. انا لسه مغير شاشة لموبايل a21s بعد التحديث الاخير برضه .. لقيت الجهاز لوحده الشاشة طفت واسودت والجهاز التاتش شغال .. رحت وبدون كشف قالولى تغيير شاشة ب١٣٥٠ جنية فى فرع حسن محمد فيصل وفرع الطالبية هرم وغيرتها من ايام فى فرع الطالبية .. بيقولى الجهاز وصله مياة .. قلتله لا .. قالى من سوكت الشحن .. والجهاز بعيد كل البعد عن المياة .. كان ممكن يكشف يمكن فيه سبب مقنع ويمكن اصلاحه او يشوف السوفت وير والتحديث الاخير مثلا !!
برضو فوني سامسونج a22 ومكملش معايا ٥ شهور وبيعمل ريستارت من ساعه منزلو تحديث اندرويد ١٢ وحاجه في منتهي القرف لما ندفع مبلغ زي ده في فون وميكملش معانا كام شهر حتي ونفس المشكلة مع ناس كتير جدا ونجيب منين ٢٨٠٠ تمن بوردة جديدة والفون نفسه جديد مفيش اي اهتمام بخدمه العميل عندهم الفلوس وبس
المشكلة ممكن تكون سوفتوير أو هاردوير ممكن تنزل سوفتوير بنفسك واتبع الخطوات الشرح كتبه مهندس RamyElGammal في سامسونج members اما لو المشكلة مستمرة احتمال كبير مشكلة في البوردة
