التليفون بتاعي بقاله يومين بيعمل ريستارت لوحده عملتله ريست فاكتور وبردو نفس المشكلة بشغله في وضع السيف مود بردو بيرستر في الدقيقة مرتين تلاتة ولما يطول شوية اشغل صوت يقطع معايا المشكلة دي من اي
صباح الخير اولا الفون سليم مافيهوش حاجة. ثانيا اللي بيحصل ده طبيعي كل الهواتف فيها ذكاء اصطناعي وهو اللي بيعمل كدة لما بيبقى الفون محتاج كدة حتى لو كنت قافل الخاصية بتاعة الريستارت وقت الحاجة برضه هيرستر لوحده. طيب عموما عشان مطولش عليك عاوز توقف الموضوع ده حضرتك كل ١٠ دقايق او ربع ساعة انت هتعمل ريستارت للفون بنفسك هدوس ع زرار الباور وتعمل ريستارت لمدة يومين تلاتة وفي اليوم مرتين تلاتة هتعمل كدة وهو هيقف لوحده . لكن عموما فونك سليم مافيهوش اي حاجة عشان محدش يقولك عندك مشكلة في الفون.
لو تليفونك متفتحش فى اى محل صيانه يبقى تطلع على توكيل سامسونج دى هتبقى مشكلة سوفت وير ومرتبطة بأخر عملية تحديث تمت ممكن تكون عملية التحديث متمتش بطريقة صح هما هايتعاملوا معاه وهتستلمه تمام ٩٩%من بتوع الصيانه معندهومش ضمير ومحش بيعرف يحاسبهم انا كان معايا جهاز a70 وفيه مشكلة فى الشحن السريع قولت الموضوع مش مستاهل اى بتاع صيانه يحلها وديته لواحد حمار ركبلى بوردة شحن a50 ودى مبتدعمش الشحن السريع يعنى المشكلة متحلتش اللى اوسخ من كده انه قلب السينسور بتاع البصمة لما البصمة مشتغلتش كلمته فى ساعتها قالى رستر الجهاز وهى هتشتغل انا استلمت منه التليفون يوم الخميس بالليل الباشا راح قافل تليفونه لحد يوم الجمعة بالليل ولما رد عليا قالى يابيه هات التليفون افك القطعة اللى ركبتهالك واخد مصنعيتى وارجعلك الباقى ماشى ياعم الحمار طب والبصمة اللى وقفت قالى معرفش عنها حاجه اخر مازهقت وديته توكيل رايه فى مصر الجديدة استلموه منى ٤٨ساعة وروحت استلمته شغال تمام وزى الفل بس اتلسعت فى ١١٠٠ج بسبب بوردة الشحن وطلبة منه تقرير صيانه عشان اعرف ايه اللى اتعمل فى الجهاز وطلبت القطعة اللى كانت راكبه التقرير قال ان سينسور البصمة مكانش موجود فى الجهاز اثناء فتحه والبورده بتاعت الشحن كانت موديل مختلف ولا يدعم الشحن السريع وفعلا البورده كانت مختومه a50 صينى . اخدت القرير والقطعة ورفعت شكوى لجهاز حماية المستهلك فضلت اسبوعين واستقبلت تليفونات كتير وحكيت القصة ٣٠ مره وفى الاخر الجهاز حماية المستهلك قالى للاسف مش هنقدر نحاسب الشخص ده لان الجهاز اتصلح وضاع حقى والجهاز كان اول مره يتفتح وحسبى الله ونعم الوكيل نصيحة يابن الحلال متخليش حد يفتى فى الجهاز بتاعك وعليك وعالتوكيل.
