ياريت حل مشكلة الشحن الجهاز لا يشحن بالشاحن الأصلي مع ان الجهاز سليم والشاحن سليم جربت وصلة غير وصلته وغيرت الشاحن اشتغل علي اي شاحن غير شاحنه الأصلي وشاحنة شغال علي اي تليفون المشكلة دي ظهرت لما شحنته مره علي اللاب توب حصلت قبل كده ورجع وحده بس بعد فترة كبيره ياريت حل علي فكرة نضفت السكوت وغيرت الوصلة والنتيجه هيا هيا افيدوني
المشكلة دي اغلب الظن غير مرتبطه بتحديث حاجه معينه زي توقعك او مطالبتك بحلها كده انت محتاج تغير الكابل فقط وتشتغل بنفس رأس الشاحن الاصلي بتاع الهاتف
لما يحصل اللي بتقول عليه ده ان كايلك يشحن اي هاتف اخر الا تليفونك والعكس لمة تليفونك يقبل كابلات تانيه غير بتاعه ده بيكون سببه نسبة التأكل اللي حصلت في الفبرة البلاستيك اللي في سوكيت الشحن ونفس الشئ حدث في الكابل وعشان هما اللي اكلوا بعض طبعآ تعبير مجازي فا بتكون نسب التأكل عالية في نفس المكان في السوكتين وده بيخلي جزء كبير من البينات ما تتوصلش ببعض حتي لو جربت بكابل مستعمل اخر به ايضآ نسب تأكل من الاستخدام بس تلاقيه يشتغل عندك كويس لان التأكل في اماكن مختلفة من الفبره فا البينات مقابله بعض موضوع انها حصلت معاك قبل كده وراحت ملوش تفسير عندي
صباح الخير يا فندم مع حضرتك اميرة من سامسونج مصر بنشكرك جدا علي طرح سؤالك ونتمنى لحضرتك يوم سعيد فى البدايه بعتذر لحضرتك جدا عن المشكله اللى بتواجهك بناء على سؤالك أستأذن حضرتك فى التوجه لاقرب مركز صيانه للتمكن من فحص الجهاز ومساعده حضرتك للتعرف على أقرب مركز صيانه خاص لحضرتك من خلال الرابط التالى : https://www.samsung.com/eg/support/service-center/ ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
