A25

[ØpBMLegendsヅ]

بطارية التليفون بتتشفط 

مش بتكمل 6 ساعات و أحيانا مش بتكمل 5

ولو لعبت ماتش بيس واحد الاقيه اتشفط 10% واحيانا 15 كمان ده ماتش واحد بس

[TheUnκn0ωη]

ممكن تبعت صورة للاستهلاك لمبارح
عشان اقيم استهلاك البطارية في يوم كامل

[ØpBMLegendsヅ]

المشكلة بحس انه بيجيب الاستهلاك لكن فعليا لما بشوف بيستهلك اكتر
عموما هبعتلك

[ØpBMLegendsヅ]

النهاردة و امبارح

[TheUnκn0ωη]

انا عايز صورة للارقام الي فوق هي الي تهمني اكتر

[ØpBMLegendsヅ]

قصدك الاستخدام للبطارية

[TheUnκn0ωη]

هو فعلا الاستهلاك عالي بزيادة
يعني المتوسط و الطبيعي تستخدم 8 ساعات وتستهلك 100% لاكن انت امبارح استخدمت 9 ساعات تقريبا باستهلاك 156% وده كتير

بس عمتا انت استخدامك تقيل خصوصا الجيمنج الكتير والتقيل ومش عيب البطارية استخدامك هو المشكلة

حاول تقفل الاشعارات الي مش محتجها لان لو بتظهرلك اشعارات كتير جدا فبتستهلك من البطارية اه بنسبة مش كبيرة بس هتفرق معاك

خاصية
AOD
حاول تقلل من مدتها بحيث متستهلكش اكتر من 5% مثلا في اليوم او اقفلها خالص لو حابب

استخدامك لسماعة لا سلكية وبالتالي البلوتوث شغال ديما فبيزود من الاستهلاك
مش بقولك متستخدمهاش بس خليك عارف ان في استهلاك رايح بسبب البلوتوث خصوصا لو بتستخدمها لفترة كبيرة
عطل ميزة Nearby sharing
لان طول ما البلوتوث شغال الميزة دي شغالة غصب عنك وبتستهلك شوية

امسح التطبيقات الي مش محتجها او لو في تطبيقات مش بتستخدمها غير نادرا او قليل حطها في وضع النوم العميق بحيث متشتغلش في الخلفية وتستهلك زي تطبيقات السوشيال فيس وانستا يفضل تحطهم في النوم العميق خصوصا انهم بيستهلكوا من الرامات حتي لو انت مش بتستخدمهم

روح للاعدادات > خيارات المطور > وروح ل Running services
وشوف لو في اي نشاط من اي برنامج شغال ديما وانت اصلا مش بتستخدمه ومش محتاجه ومش بس تعطلها عشان هتشتغل تاني تلقائي حط البرنامج في النوم العميق او امسحه

شغل وضع توفير الطاقة اثناء فترة النوم لان البطارية طبيعي ينقص منها شحن وممكن تخلي الانشطة والروتينات تعملك كده تلقائي هتوفر من 5 ل 10% بيروحوا في 8 ساعات دول
وممكن تشغله طول ما انت مش بتستخدم الجهاز بس ديما اقفله لو هتلعب او هتستخدم الجهاز في اي مهمة تقيلة عشام ميبقاش في ضغط علي المعالج

خلي السطوع تكيفي بحيث ميبقاش ديما عالي ع الفاضي او حاول تقلل منه لو مش بتحب السطوع التكيفي

في حاجات ممكن تكون بسيطة بس هتفرق معاك خصوصا ان استخدامك تقيل ومش بسبب البطارية او عيب فيها
جربها لمدة يوم كامل ويفضل بكرة وشوف الفرق
الطبيعي لو بتستخدم الجهاز 8 ل 10 ساعات يبقي الاستهلاك يبقي في حدود 100 ل 120 % مثلا

[ØpBMLegendsヅ]

عايز اقولك ان
150% دي
بوضع توفير الطاقة واستخدام سوشيال و سطوع تكيفي و مستخدمتش سماعات اصلا
مانا عشان كده بشتكي من البطارية
اصل ده استخدامي من ساعة ما جبته
واصلا فترة الدراسة مش بفتح العاب كتير زي فترة الاجازة
انا قعدت 4 شهور بلعب ببجي طول اليوم التليفون كان بيقعد 8 ساعات مرتاح و كان ملفات 60 فريم
برضو عشان كده بشتكي

[TheUnκn0ωη]

انت مشغلتش وضع توفير الطاقة يوم 4 خالص
ولو بصيت في الصور الي بعتهالي هتلاقي ان efootball
واخده 31% ويعتبر كبير شوية لو بتلعب علي اعدادات عالية غير استخدام اليوتيوب
فالمشكلة عندك مش في البطارية المشكلة في استخدامك ولو مش هتقدر تغيره فانت لازم تتكيف مع الموضوع ده

[ØpBMLegendsヅ]

انا بلعب علي اقل اعدادات موجودة اصلا
+ انا مجرب وضع توفير الطاقة زي ما قلتلك و نفس الاستهلاك