مساء الخير أنا جاية أتكلم فشيء مهم يخص الموبايل دا بعد ما قرأت كل منشوراتكم أو بوستاتكم عن تحديث الـ a24
اه يا جماعة في لاجات أو bugs كتيرة جدا أولهم تلف فدايرة شحن البطارية، البطارية بتقل بسرعة، بيشحن فساعتين، في سخونة فالجهاز من فوق و تحت
لو حد مركز ففي كمان سخونة ممكن تلسعلك ايدك حرفيا لو شديت الشاحن و شوفت الوصلة سخنة ازاي سواء من راس الشاحن او الوصلة اللي بتخش فموبايلك نفسها
و اه رفض إستقبال الشاحن ال 24 واط الأصلي و وصلته كمان، مع ان الاتنين بيشحنو على اي سامسونج عادي جدا و رفضهم بشكل مفاجئ فعز ما بشحنه
جميل؟
هو في جمال اكتر من كدا ؟ 😂😂
قولت يا بت يا نور عادي عادي عادي روحي الفرع! فرع هو في أأمن من إنك تروحي فرعهم يعني مش بدل ما تروحي مكان و يقولك بصي يا ابلة شاكب راكب ٩٠٠ جنية؟؟
روحت الفرع، في ايه يا فندم؟
دا تلف فدايرة الشحن، اتفضلي غيري السوكت و هنفتح الموبايل، قولتله التليفون بيشحن على usb مش type c قاللي عادي يا فندم دي مشكلة بسيطة.
سلمت التليفون ٣ ايام و كنت قاعدة محتاسة، انا واحدة حياتي كلها عالموبايل يا جماعة بقيت بستلف موبايل اختي كل شوية لحد ما كانت هتديني على وشي😂
روحت استلمته و شحن ولكن برضو فساعتين! قولت عادي يا بت يا نور دا مكنش راضي يشحن خالص اصلا بالوصلة
التليفون معايا بقاله سنتين و نص و شحنه قبل الابديت كان ساعة و ١٠ دقايق ، حاليا بيشحن فساعتين وربع دا إذا مكنش اكتر
الملخص المفيد ان اي حد هيروح الفرع ياريت يقدم شكوى او حتى تقدمو شكوى فالدعم لأن في ناس كتير راحت الفرع دفعت مبلغ و قدره وانا منهم و فالأخر تطلع مشكلة فالجهاز نفسه و فالتحديث نفسه و كلنا مأجمعين انها عالبطارية!! و مش هتكلم هي بتتشفط إزاي كنت بكتب و هو ٥٠% بقا ٤٠ فالمية مش ممكن بجد حاجة تقرف و التليفون بيسخن و ممكن السوكت يتلسع من كتر ما بشحن فالسخونة دي، حرام بجد الموبايل غالي عيب أوي اللي بيحصل دا!
انا يا جماعه دلوقتي اي حد محتاج يقدم شكوى تمام الشكوى دي بنحتاج فيها داتا معينه السريال نمبر بتاع الموبايل ورقم التليفون اللي هيتم التواصل عليه الشكوى بتتصعد من ساعتين ولحد 24 ساعه بيكون رد عليها فوري تمام بتصعد اول حاجه القسم التحكم عن بعد بعدها بتبتدي بقى تتصاعد للقسم المختص بالاداره في سامسونج عامه وبتاخد هناك 24 ساعه بيتم رد عليها طبعا ده قبل ما يروح الجهاز التوكيل بعد كده بيردوا ان الجهاز يروح التوكيل وبياخد هناك ثلاث ايام في الشكوى اللي اصلا متصاعده اللي محتاج اي شكوى او اي استفسار يتواصل معايا
معلش بس يا جماعه حصل غلط في الكتابه الموبايل وهو في التوكيل بنصعد شكوى هناك قبل ما الثلاث ايام يخلصوا تمام احنا كده بنبقى مساعدين شكوتين نروح مصعدين شكوى في حمايه المستهلك في توكيل سامسونج نفسها والموبايل هناك بيدفعوا هناك يعني محتاج اي حاجه زي كده انا بقدر يعني
