A24

[nourel-huda]

مساء الخير أنا جاية أتكلم فشيء مهم يخص الموبايل دا بعد ما قرأت كل منشوراتكم أو بوستاتكم عن تحديث الـ a24 

اه يا جماعة في لاجات أو bugs كتيرة جدا أولهم تلف فدايرة شحن البطارية، البطارية بتقل بسرعة، بيشحن فساعتين، في سخونة فالجهاز من فوق و تحت 

لو حد مركز ففي كمان سخونة ممكن تلسعلك ايدك حرفيا لو شديت الشاحن و شوفت الوصلة سخنة ازاي سواء من راس الشاحن او الوصلة اللي بتخش فموبايلك نفسها 

و اه رفض إستقبال الشاحن ال 24 واط الأصلي و وصلته كمان، مع ان الاتنين بيشحنو على اي سامسونج عادي جدا و رفضهم بشكل مفاجئ فعز ما بشحنه

جميل؟ 

هو في جمال اكتر من كدا ؟ 😂😂

قولت يا بت يا نور عادي عادي عادي روحي الفرع! فرع هو في أأمن من إنك تروحي فرعهم يعني مش بدل ما تروحي مكان و يقولك بصي يا ابلة شاكب راكب ٩٠٠ جنية؟؟ 

روحت الفرع، في ايه يا فندم؟ 

دا تلف فدايرة الشحن، اتفضلي غيري السوكت و هنفتح الموبايل، قولتله التليفون بيشحن على usb مش type c قاللي عادي يا فندم دي مشكلة بسيطة.

سلمت التليفون ٣ ايام و كنت قاعدة محتاسة، انا واحدة حياتي كلها عالموبايل يا جماعة بقيت بستلف موبايل اختي كل شوية لحد ما كانت هتديني على وشي😂

روحت استلمته و شحن ولكن برضو فساعتين! قولت عادي يا بت يا نور دا مكنش راضي يشحن خالص اصلا بالوصلة

التليفون معايا بقاله سنتين و نص و شحنه قبل الابديت كان ساعة و ١٠ دقايق ، حاليا بيشحن فساعتين وربع دا إذا مكنش اكتر 

الملخص المفيد ان اي حد هيروح الفرع ياريت يقدم شكوى او حتى تقدمو شكوى فالدعم لأن في ناس كتير راحت الفرع دفعت مبلغ و قدره وانا منهم و فالأخر تطلع مشكلة فالجهاز نفسه و فالتحديث نفسه و كلنا مأجمعين انها عالبطارية!! و مش هتكلم هي بتتشفط إزاي كنت بكتب و هو ٥٠% بقا ٤٠ فالمية مش ممكن بجد حاجة تقرف و التليفون بيسخن و ممكن السوكت يتلسع من كتر ما بشحن فالسخونة دي، حرام بجد الموبايل غالي عيب أوي اللي بيحصل دا! 

[nourel-huda]

لا بس جربت الشاحن على تليفون اختي شحن بسرعة و البطارية عادية، تليفونها مبيدعمش ال١٥ فالابديت مش معاها، انا اللي نحس والله

[ZAYANـSOLTANـMOHAMED]

ولا نحس ولا حاجه والله هتتحل بس جربي شاحن تاني واتاكدي انوا كويس وربنا انا كنت زيك بس a15كان في 8سعات بعد لف ودوران المشكله كانت الوصله بنت الجزمه

[nourel-huda]

والله هو حتى لو من الوصلة، البطارية بتتشفط، عمر ما كان دا استهلاكي دي بتقعد يومين و لو فكرت اشحنه بيقعد ساعة او اقل كمان لأن استهلاكي فيس واتس انستا انا مبلعبش لكن اني اكتب بس الاقي الاستهلاك نزل ١٠ فالمية كدا كتير بجد

[ZAYANـSOLTANـMOHAMED]

طيب انتي مفعله 90هرتز

[nourel-huda]

انا من ساعة ما جبته و انا مفعلاها اصلا دا مش هي المشكلة خالص، انا اتخنقت و هعمل حوار السوفت دا بليل و هرجع اكتب هيحصل ايه

[ZAYANـSOLTANـMOHAMED]

انتي بس اقفلي 90وصدقني هتحسي بفرق كبير

[nourel-huda]

تمام، انا اصلا جبته عشان المفروض smooth كدا انا كنت اشتري حاجة ٦٠ هرتز اسهلي

[ZAYANـSOLTANـMOHAMED]

ماشي انا فاهم قصدك بس مش دايما تشغلي 90خليها اوقات معينه حاجه تستاهل 90

[nourel-huda]

هحاول والله بس هعمل حوار السوفت دا و هستنى يومين اجرب السوفت دا ايه نظامه و بعد كدا هاجي اتكلم جايز يبقى دا الحل

[ZAYANـSOLTANـMOHAMED]

وانا وربنا مستني اعمل زفت سوفت النهارده بس لي الزفت النيلهa53 ادعيلي المشكله تتحل😂😂