A23

[MennaThabet_18]

هو طبيعي لو انا روحت لحد عشان يلزق الشاشه 

(كان وقع جامد فا الشاشه كانت بتميل لما بحركه)

ف الاقي مكان الشبكه عامل كده ؟ مع ان رسترت الموبايل ومازال كده لحد دلوقتي. و روحت لكذا حد ومش عارف يحل المشلكه دي . ازاي اتصرف او لو حد مر بالمشكله دي يبقى يقولي عمل ايه

[ZAYANـSOLTANـMOHAMED]

اتاكدي من الخط يمكن مش شغال أو غيري مكانه

[MennaThabet_18]

المشكله مش من الخط
هو شغال عادي جدا
بس لما روحت عشان الزق الشاشه عشان كانت بتميل شويه
بقى مكان الشبكه كده وانا مش قادره افهم ليه

[النجمالثاقب · Accepted solution]

المشكلة دي مالهاش علاقة بالسوفت وير دي مشكلة Hardware (قطع داخلية) بنسبة 100% اللي حصل غالباً حاجة من الاتنين

​ضغط على فلاتة الشبكة وأنتِ بتلزقي الشاشة الفني استخدم مادة لزق زيادة أو ضغط بزيادة في المنطقة اللي فوق وده أدى لقطع جزئي أو ضغط على كابل الهوائي (Antenna Cable) اللي واصل بالبوردة ​تحرك السلوك الداخلية الموبايل أصلاً كان واقع (زي ما ذكرتِ إن الشاشة كانت بتميل) والوقعة دي خلت أسلاك الشبكة الداخلية مش ثابتة في مكانها ولما الفني فك وركب عشان يلزق السلك فلت تماماً

​الحل لازم ترجعي للمحل اللي لزق الشاشة فوراً يفك الظهر ويراجع على وصلات الشبكة (الهوائي) الموضوع بسيط ومحتاج بس إعادة تركيب السلك في مكانه (Re-seating) لكن لو استنيتي، المادة اللاصقة ممكن تنشف وتصعب الموضوع أكتر

​طمنينا إيه اللي حصل معاكي

[MennaThabet_18]

انا روحت عنده قالي مش هيعرف يعمله و روحت عند كذا حد و بردو مش عارفين يحلوا المشكله
انا دلوقتي بفكر اللي انا لو روحت عند.حد تاني ابقى اوريه الكلام ده عشان بردو دورت على شات جي بي تي و قالي نفس الكلام

[النجمالثاقب · Accepted solution]

طالما كذا حد مش عارف يوصل للمشكلة يبقى هما استسهلوا ومحبوش يفتحوا الجهاز تاني نصيحتي ليكي عشان تنهي الموضوع ده

روحي لمركز صيانة معتمد أو فني شاطر بتاع هاردوير مش بتاع لزق شاشات واكسسوارات. قوليله بالظبط الجهاز واقع والشبكة قطعت بعد لزق الشاشة، محتاجة مراجعة على كابل الهوائي (Antenna Cable) وتاكد إن سوكيت الشبكة راكب مكانه صح على البوردة وريه الردود دي فعلاً الصور والردود التقنية دي بتخلي الفني يعرف إنك فاهمة
فمش هيقدر يشتغلك أو يقولك سوفت وير وهو عارف إنها هاردوير تأكدي من بيت الشريحة خليه يتأكد وهو فاتح الجهاز إن الريش الداخلية لبيت الشريحة (SIM Slot) متنتش أو اتعوجت وهو بيركبها بقوة

الموضوع بسيط والله بس محتاج فني عنده ضمير يفتح الجهاز ويراجع الوصلات دي يدوي وغالباً مش هياخد وقت ولا تكلفة كبيرة لأنها إعادة تركيب مش تغيير قطع و طمنيني بعدها

[Ahmed1Samir2 · Accepted solution]

انصح بالتوكيل ا. اقرب لسامسونج
لان غالبا كدا الانتنه بتاعت الشبكه اتقطعت مع تركيب الشاشه

[النجمالثاقب]

لو حابب تدعم الرد عشان يظهر لغيرك كحل نهائي، يا ريت تضغط على الثلاث نقط اللي بجانب الرد بتاعي (عندك أنت كصاحب المنشور) وهتلاقي خيار اسمه 'Accept Solution' أو 'قبول كحل و شكرا.