A20s

[المرشالmar3y]

بعد الفتح بدقيقه بيعمل ريستارت لوحده 

[samireltiar]

المشكلة ده حصلت عند ناس كتير
و كمان فى أجهزة عالية زى S20
حلها واحد فقط و هو الانتظار إلى أن يأتى تحديث أمان
ولازم الشكاوى تزيد أكتر و أكتر علشان يوصل لشركة سامسونج
لإن بيبقى فيه نسبة أخطاء
فى الأول و بعد كده الوضع بيتحسن و بيكون طبيعى

[samireltiar]

ملهاش حل تانى
لإن أى واجهة فى تحديث اصدار جديد
بتبقى فيه مشاكل لمدة
بتبقى زى حاجة تجريبية و رسمية من الشركة

مثلاً لما بتروح تشترى كوتشى جديد و تيجى تلبسه للمرة الأولى هتشعر ببعض عدم الارتياح و تحس إن الكوتشي ضيق
جرب تلبس الكوتشي الجديد لمدة شهر إلى شهرين كل يوم هتحس بفرق شاسع هتحس إن رجليك مرتاحة فى الكوتشى وتحس براحة أكثر من المرة الأولى
هذا كمثال
الواجهة نفس الشيئ لما بتبقى جديدة بالنسبة ليك انت الواجهة كاملة لكن بالنسبة للمطورين هيحسوا إن فيه حاجة ناقصة و محتاجة تتطور و بيعملوا على تطويرها

[المرشالmar3y]

تفتكر الكوتش هيتظبط بعد فتره طويله
ولا المشكله هتتحل بسرعه؟

[Samah-Ahmed]

مساء الخير يا فندم مع حضرتك سماح من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجهك

استاذن حضرتك فى اتباع الخطوات الأتيه 

الدخول الى Settings
أو إعدادات الجهاز واكتب ف البحث
Auto restart
قم بالغاء تفعيل الAuto restart 

نتمنى حل المشكله عند حضرتك فى أقرب وقت ممكن و

موجودين تحت أمرك وفى خدمتك فى أى وقت 

[المرشالmar3y]

شكرا للإهتمام
هي فعلا غير مفعله

[samireltiar]

😂 الكوتشى كمثال 😂
إن شاء الله هتتحل فى أسرع وقت
سامسونج بتشتغل عليها
فريق عمل مطورى الواجهة الخاصة بسامسونج بيشتغلوا عليها و بيطوروها
من خلال تحديثات الأمان اللى بتتبعت لينا وراها شغل و تعب و مجهود
وبيختبروا كل حاجة قبل ما ينزلوها
ماتقلقش اللى جاى أحسن