A16

[HAMDYMAHMOUDHAMDY]

السلام عليكم ورحمه الله وبركاته يا جدعان انا في حاجه غريبه حصلت في التليفون امبارح وانا فاتح الفيس لقيت مره واحده الشاشه جابت خطوط بالعرض وحصل فيها الوان ولما عملت له اعاده التشغيل الحمد لله الشاشه اشتغلت ورجع الطبيعيه ايه السبب فان الشاشه تعمل كده يا ريت حد يفيدني

[HAMDYMAHMOUDHAMDY]

وملحوظه انا نسيت اكتبها انا بلعب ببجي فهل ده معنى يكون ببجي هي السبب فان الشاشه تعمل كده

[HAMDYMAHMOUDHAMDY]

هو ممكن يكون اخر ابديت هو سبب المشاكل دي لان قبل كده سامسونج نزلت تحديث امان وحدثت التليفون عادي وما كانش فيه مشاكل فجاه كده وانا كنت شغال على التليفون لقيت الشاشه وقفت ورحت وديته الفن صيانه قال لي ده عايز نص ولما طفاه وشغله الشاشه اشتغلت فانا مش عارف ايه اللي بيحصل ده

[HAMDYMAHMOUDHAMDY]

وشكرا بجد انك طمنتني انا افتكرت الشاشه باظت

[abdelrazekelnakyp]

🙏😊❤

[abdelrazekelnakyp]

🙏😊❤

[النجم_الثاقب]

وعليكم السلام ورحمة الله وبركاته يا أستاذ حمدي. طالما المشكلة اتحلت بإعادة التشغيل، فبنسبة كبيرة كان (Software Glitch) أو تهنيج مؤقت في تعريفات الشاشة، لكن عشان تطمن وتتجنب تكرارها، انصحك تعمل الآتي:

​تحديث النظام: ادخل على الإعدادات وتأكد إن موبايلك على آخر تحديث، لأن سامسونج بتنزل تحديثات أمنية دورية بتحل مشاكل 'الاستقرار' دي. ​تطبيق Samsung Members: افتح التطبيق واعمل (Diagnostics) أو فحص للشاشة (Display)، ده هيتأكد إذا كان فيه أي مشكلة تقنية في الهاردوير نفسه. ​مسح الكاش: لو المشكلة حصلت وأنت فاتح تطبيق معين (زي فيسبوك)، جرب تعمل Clear Cache للتطبيق ده.

​تحذير بسيط: لو الخطوط دي رجعت ظهرت تاني بشكل متكرر حتى بعد السوفت وير، يبقى لازم تتوجه للضمان فوراً لأنها ممكن تكون مشكلة في توصيلات الشاشة الداخلية (Hardware)، والضمان هيحلها لك مجاناً طالما الموبايل متمش فتحه أو تعرض لكسر/سوائل.

[HAMDYMAHMOUDHAMDY]

انا محدث التليفون على اخر تحديث وحتى التطبيقات بحدثها اول باول يعني التليفون سواء كان تطبيقات او تحديث للتليفون فالتليفون كله محدث ودخلت عملت لها فحص شاشه من التطبيق وطلعت ما فيهاش حاجه وهي المشكله دي ظهرت بعد ما حدثت التليفون على اخر ابديت سامسونج كانت منزلاه والمشكله دي برده ظهرت تاني برده كانت سامسونج منزله ابديت امان وبعديها مره واحده الشاشه وقفت رحت عملت له اعاده التشغيل والحمد لله اشتغلت

[Abodala3]

معيا نفس الفون واكتشفت يعني من الضمان قالي ان التليفون اصلا في عيوب صناعة فهو بيتجنن ساعات

[HAMDYMAHMOUDHAMDY]

انا افتكرت ان إلى حصل دة بسبب لعبة ببجى لان انا سعات وانا بلعب بلاقى شاشة بتسخن فانا قولت ان العبة هى السبب فى إلى حصل دة